هتلبسى الحجاب يعنى هتلبسيه ... اتفقنا !!!

زائر

بسم الله الرحمن الرحيم

فى الأول أحب أسلم عليكوا واطمن على صحكتوا وان شاء الله تكونوا بخير يا شباب
أنا عارف بجد انى من زمان اوى مكتبتش فى المننتدى العام بس يعنى والله الواحد مش عارف هيلاقيها من ايه ولا ايه بس الحمد لله على كل حال وأنا النهاردة جيت علشان بس شوفت حاجة غاظتنى أوى والله ع التليفزيون وبجد يعنى عمر ما الواحد شاف حاجة زى كدا خالص .. المهم يا جماعة أنا جاى وجايبلكوا موضوع ع ::: الحجاب ::: اللى بقى الأيام دى حديث الساعة والعصر والضهر والمغرب وكل وقت بصراحة ندخل بقى فى الموضوع ...

فى الفترة الأخيرة .. لقد كثرت الأقاويل حول الحجاب ع الرغم من انه موضوع النقاش فيه انتهى بكل الطرق ، فبنشوف بقى الغالبية العظمى من العلماء قالوا إن الحجاب فرض على كل مسلمة وكلنا موافقين ع الرأى دا من منطلق اسلامنا الجميل ، ولكن سوف نرى أنا هناك مدرسة قد تختلف معنا فى فى هذا الموضوع الذى يتمثل فى كيفية ونوعية الإلتزام
فنجد ان هناك تيار وسطى والذى يتمثل فى الإمام القرضاوى والإمام الغزالى رحمه الله وهناك الكثيرين غيرهم لا يوافقون على الحجاب بالعافية وانك تضرب الفتاة اذا تم رفضها لذلك ... !!!
ولكن سوف نرى أن وجهة نظرهم تستند إلى أمرين :-
الأول :- لا يمكن لشخص منا أن يتصور ان هناك مسلم يصلى بالعافية أو بالغصب دون أن تأتيه هداية الله تعالى فى سماه فهذا فرض وذاك فرض والاقتناع أساس كل منهم .
الثانى :- هناك سلوك الفتاة التى تجبر على لبس الحجاب سيكون بعيداً عن قواعد ما نسميه بالحشمة والأخلاق فيمكن أن تراها تفعل ما لا يحق لها فعله من فضائح وأشياء لا تتماشى مع الحجاب وما ألقى عليها من مسئولية لبسها الحجاب والتى أُرغمت على ارتدائه .. وهنا الحل فى بذل الجهد فى الاقناع ثم ترك الحرية فى الاختيار (( ولكن الله يهدى من يشاء )) .
الرأى الثانى يا شباب بقى مش هنقدر نطلب من البت الإلتزام وبعدين هنسيبها بقى على مزاجها وهواها أو على حسب بقى ما يمليه على ضميرها واللى طبعاً مش هيقود معظمهم للإلتزام ، ولكن عليك إجبارها بالالتزام بقواعد الدين وليس فقط بالحجاب ويمكن أن يصل الأمر الى حد الضرب والعقاب فالتربية السليمة الصحيحة عند معظم البشر مزيج من الرغبة والرهبة .

شوف بقى الناس قالت ايه .. انت بقى هتقول ايه ؟؟

زائر

موضوعك جميييييييييييييل جدااااا

بصى ياستى انا اعتقد ان كل واحد مسلم عارف ايه اللى ليه واللى عليه
يعنى مثلا شرط ان يكون ان الانسان دا مسلم انه يشهد ان لا اله الا الله وهكذا
وعشان الفتاه تبقى مؤمنه ومسلمه صح وعفيفه لازم تلبس حجابها
يعنى الحاجات دى كلها لازم تكون معروفه
اسلامنا مبيجبرش على حد حاجه
بس خدى بالك طالما انتى وافقتى تبقى مسلمه لازم تتبعى احكامه وقوانينه وقواعده
لان مفيش حاجه سيبه كده زى مابيقولوا
وتسلم ايديكى ياجميله على الموضوع
وياريت يكون رايى مفيد وسليم

زائر

والله انا مش عارف اقول ايه

بس انا الموضوع ده ميخصنيش

بس ايه الرد الجامد ده

يالى اسيبكم تكملو الردود الساخنه دى