اتخنقت منك يامصر

زائر

بجد اتخنقت منك يا مصر اتخنقت من الزحمة اتخنقت من سوء كل شئ من السئ للأكثر من السئ ....

حرام والله يا مصر حرام الشباب الضايعة الي خلاص موش بتفكر وتقلد ومن تخلف للتخلف كل ما واحد يسمع كلمة يرددها زي البغبغان وخلاص ولا هو بيفم ولا فاهم معناها ،،، هتكلم عن اسطورة التخلف المصرية " محمد سعد " صبح صبح يا عم الحج

حد يفهمني يا جماعه عشان بجد انا عاجز عن الفهم كل فيه جزار متخلف بالطريقة وشغال اي حاجه يا معلم ،، الاطفال ماشية في الشارع بتقول ايه
قولوا معايا صبح صبح يا عم الحج والشباب بتقول صبح صبح يا عم الحج هي دي الثقافة هو دا التحضر ؟؟؟؟؟

ان يبقي شاب سوري في اللفظ طويل عريض شكله يقول انه انسان محترم وفاهم يقولك "" يا عم الحج الساعه كام وانت ماشي في الشارع مثلا ""

والله كنت ماشي في الشارع جاي من شغلي زهقان من القرف الي حاصل ومشغل " mp3" وعمال اسمع في اغاني هادية وشكل القمر الي موش ظاهر من دخان السيارات مخنوق يا عيني وبيبكي ههههههههه فجـأة وبدون سابق انذار " الساعه كام يا عم الحج " والله قعدت اضحك واضرب كف علي كف " بقي انا منظر عم الحج " قولت ليه الساعه 12 يا معلمي هههههه :12:

نيحي ونشوووف المسخرة بجد وهي كركر ونبي دا اسم شوف البوستر دا كويس اوي

العبيط كرركر -- والعبيطة ياسمين عبد العزيز عاملة فيها يبانية ولا الاهبل حسن حسني الي اتقرع من كتر الهبل :12:
طيب انا عايز افهم الفيلم دا ازاي نضيع وقتنا فيه

ولا قمة المسخرة قايم بدور واحدة ست استغفر الله العظيم

منتهي التخلف وربنا ولا لما قام بمشهد بدور واحدة ست ايه الشخصية دي قمة المسخرة سيناريو عبيط ومخرج عبيط وفيلم متخلف فعلا ،

** طيب انا طلع عيني اتجوزت وخلفت ابني الي بتمناه من الدنيا وعايزه يكون احسن واحد في الدنيا بدل ما يقولي صباح الخير يابابا " يقولي صبح صبح يا عم الحج "" يلعن ابني والجواز في ساعه واحدة :12:

العبد والشيطان
مطرب فظيع ظهر علي غرزة الغناء المصرية ، غني اغنية تحت أسم العبد والشيطان

كلمات الاغنية ادحرج روح سينما العب لك دور دومينا ، والجارة الي قصادك بتشاغلك عبرها من تقلك وعنادك قربت تطيرها

يا سبحان الله انا اصيبت بشلل من الي بسمعوا ، الجارة الي قصادك بتشاغلك عبرها :12: سوري في اللفظ

( انا عايز اقول كتير بس عشان موش اخرج من الموضوع )

دي لغة الحوار المصرية ( في الأبتدائي ماهو انا كنت طفل بردوا :12: كان المدرسة بتاعتي بتقولي انت نفسك تكون ايه في المستقبل قولت ليها وانا مشروح القلب ( عايز اكون طيار شوفوا كمية الامل في الطفولة )

دلوقتي اسأل اي طفل نفسك تكون ؟؟ !
اي شاب حلمك ايه ؟؟؟ !
************************************************** *************************
************************************************** *************************
باالنسبه ليه ده هيكون ردى على الموضوع ده
******************************************
******************************************
على فكرة ومن غير زعل إحنا السبب فى كل إللى بيحصل مين إللى بيعمل الفيلم أو الأغنيه إحنا أو قريبنا يعنى بالبلدى مننا فين مين بيرمى الزباله فى الشارع إحنا مين بيدى رشاوى وبيخدها إحنا مين بيشوف مين بيسمع برده إحنا قبل ما نقول عيزين نغير مصر لازم نغير نفسينا الأول ربنا إدانا عقل وإيمان علشان نغير مش علشان ندعى بالتغير
(قبل ما تغير إتغير)

مهما شوفت انا منك انتى ياحببتى فى يوم معتبك
انتى بلدى وكل املى مهما شوفت الحيرة منك
ولا شوفت عذابى فيكى مهما قولت يابلدى عنك
نفسى يوم مشتاق اليكى انتى شوقك جوة قلبى
جوة نبضى وجوة فكرى انتى روحى فداكى انتى
مهما ابعد ولا اهرب شوقى ليكى ماليه حدود
ممكن اغلط فيكى اعتبك بس عمرى فيوم مخونك
مهما شوفت انا منك انتى ياحببتى فيوم معتبك
انتى حته يامصر منى

فعلا يا شهندا
العيب مننا
ولازم نتبع مبدأ
قبل ما تغير أتغير
موضوع رائع فعلا
تقبلي مروري مع تمنياتي بالمزيد ن الإبداع