موضووووووووع مهم ومحتااج للنقاش بصراحه؟؟؟؟؟؟؟؟؟؟؟؟؟؟؟

بسم الله الرحمن الرحيم

الموضوع ده مش بيحصل ع طول بس اكيد حصلك اوهايجى يوم ويحصلك

وانا عايزه اسمع ارائكم بصراحه
ياريت تقرئوا الموضوع لنهايته


احساس بتحسة لما بتبقى لوحدك وتفكر كدة فى حالك ومش قدامك غير انك ترضى بية

وتسلم الامر كلة اللى خلقك مش مسالة ياس او احباط او استستلام او ضعف لا
الموضوع مجرد رضى بالحال اللى انتة فية

هتقولى لية هاقولك هو الحال كدة وانا وانت وغيرنا راضين بدة ومبسوطين بكدة اوى

بس طبعا مش دى الحقيقة بس دة اللى احنا بنقولة نصبر نفسنا بية وخلاص

الوحدة اصعب احساس فى الدنيا لما الانسان يحس بالوحدة لما الليل يبقى عندك شبة

النهار

لما تكون عايش حياة حلوة كلها ناس وعايش وسط صحابك وكليتك ومدرستك واهلك

وجيرانك واللى اتربيت معاهم

وفجاة ملقتش كل حاجة من دول حواليك كل حاجة راحت بعدت عن كل حاجة بتحبها

سيبت صحابك وناسك وجيرانك وحبايبك

لما تبص لنفسك زمان وازى حالك دلوقتى وازاى حياتك كانت مليانة صحاب زمان

بجد

وتبص لحالك دلوقتى مش هتعرف

نفسك خالص لما تلاقى انى الناس اللى حواليك عاوزينك بس تحسهم وعاوزينك تحتويهم

ولو اشتكيت انتة تبقى اتغيرت

لما تجرح ناس كتير غصب عنك او بمزاجك مش فارقة كتير

وناس جرحوك بس مش غصب عنهم او حتى غصب عنهم المهم الجرح موجود وخلاص

وناس اتكلمت فى حقك بالباطل وناس صدقت عليك اى كلام وناس كدبتك من غير ما حتى

تعرفك اصلا

لما بتلاقى كل حاجة حلوة حواليك بتخلص فى ثانية

لما يوصل بيك الحال انك تنسى طعم النوم ويوصل بيك الحال ان بتنام بمنوم او مهدى

علشان اليوم يعدى ويخلص

لما تجرى بيك السنين وتكتشف ان كل غلطة غلطها فى حق نفسك او حق ناس حبتك

كانت كلها بارادتك

وانى حياتك زمان مكنتش كدة ومتقدرش حتى تتكلم وتصرخ علشان فات الوقت خلاص

لما تلاقى مليون طعنة فى قلبك والمصيبة انك اللى طاعن نفسك

لما تلاقى بقى انى مفيش حد جنبك ولو بقى فية هتلاقية عاوز منك مصلحة او جاى

يجرحك ويمشى

لما تتمنى تحب بجد ولما تلاقى الحب تلاقى نفسك مش قادرتدى حاجة جواك بقى فاضى

زى حياتك

لما تبقى عايش مسجون وانت بحرية كاملة بس الحرية ملهاش اى لزمة فى الوقت دة

لما تشتكى للبحر وتتمنى يرد عليك وهو ساكت ومش بيتكلم وفجاة يغضب ويثور

هتستحمل وتسكت طبعاا لما تغلط وتغلط وتتعلم وتفوق على جرح كبير اوى اوى

وتلاقى السبب انك لوحدك وبتدور على الناس اللى كانت حواليك

لما تقبل جرح الناس واهانتهم ليك لمجرد انك تحس انى حد جنبك

ويجيى عليك وقت وتعرف انو كلو عايش لمصلحتة وبس

لما تكرة الناس وتخاف منهم بس فى نفس الوقت نفسك فى حد جنبك

حد يقولك كلمة حلوة حد يحسسك انك غالى عندة حد لنا تبقى تعبات تلجا لية وتتكلم معاة

واصعب حاجة بقى لما تحس انك بدات تفقد ايمانك بالله وتتمنى انك تنهى حياتك بايدك

حتى دى مش تقدر تعملها علشان مش تغضب ربك ولا تموت اهلك

لما تحاول تتقرب من ربنا وتحول وحدتك دى لقرب من الله بس تلاقى نفسك تعبان اوى

ومش عارف تعمل اية وتحس انى قلبك بيدمر من كتر الجرح ومش عارف تداوية

لما تحاول تتكلم وتشتكى يكون الرد الطبيبعى ربنا عايز كدة هنعمل اية وكمان دى مش

من حقك تشتكى

لا تسمع بس وتداوى جرح ناس وانت مين اللى هيداوى جرحك مش مهم كل دة

ولو حاولت تتكلم مش هتلاقى اللى يسمعك من اساسة ولو لقيت اللى يسمعك

متلاقيش اللى يحسك حاجة غريبة

فتسكت وترجع لوحدتك تانى وتقول يارب وتتمنى تلاقى حد تانى يسمعك ويحسك بس

مين ؟؟؟؟

لما تسهر طول الليل مصاحب نفسك وبتكلمها وبتحكيلها علشان بس الوقت يعدى مش

اكتر

ويجى النهار تانى يمكن يطلع احسن ويجى بحاجة حلوة جديدة او احساس حلو تانى


لما تتمنى حاجة وفجاة متلقهاش قدامك ولا عارف توصلها تانى ولا قادر تندة عليها ولا

قادر تقول حتى الاة

لما تحس انك مش عايش لنفسك انما عايش لاهلك اللى نتقدرش تحسسهم انك تعبان او

فيك حاجة

لانهم للاسف مش هيحسوا بكدة او حتى حبايبك او حتى اصحابك او حتى قرايبك

لما تفكر تشتغل بس علشان تضيع الوقت والايام تعدى يوم ورا التانى ومفيش جديد

كل دة بقى وانت مش قادر تتطلع من وحدتك ولا قادر تعمل حاجة هتقولى بكرة هاقولك

تعال احلم ببكرة معاياااا


وتعال كمان نشوف حل للى احنا فية ولية بقينا كدة كتير اوى منا هيقول لا مش هبقى

كدة بس دور جواك

هتلاقى انك كدة ومش عارف تكون غير كدة علشان هو دة الحال واللى بيروح مبيرجعش

تانى خلاص

والاصعب بقى اللى جاى واحساس الانكسار اللى بقى جواك لما تفقد الاحساس بالامان

مع اقرب الناس لقلبك

لما تفقد الاحساس بكل حاجة فى الدنيا حتى بنفسك وتفقد الامل والثقة فى كل حاجة

حواليك

ولما تكتب حاجة وانت مش حاسس بتقول اية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

كفاية كدة علشان انا والله تعبت من كتر الكلام بس تعالوا بقى نفكر نعمل اية فى حالنا دة



ياترى اما يحصلواااااااااا كل المتاعب دى
هتعملواااااااااااااا ايه وهاتتصرفوا ازااااااااااى
منتظره ارائكم

Rozy