عـنـتـر شـاب كـول

زائر

الأول طبعا القصة الحقيقية عنوانها

عنتر و عبلة

ومحتوياتها شافو بعض حبوا بعض اتجوزوا بعض

والكلام
ده ما ينفعش معايا [ندعوك للتسجيل في المنتدى أو التعريف بنفسك لمعاينة هذه الصورة]

وقصتى
اسمها هيثم وعبلة أو [ عنتر شاب كوووووول ]

نبدأ القصة من أيام
الطفولة

فى يوم اسود زى الزفت فى قديم الزمان

كان يوم ما
طلعلوش شمس

اتولد طفل غريب عجيب اسمة عنتر [ اسم الدلع العبد
الاسود او هيثم ]

و حكايته كالاتى ام عبدة ... اب مش معترف بيه
..... واخ [ كفاية ان اسمه شيبوب ]

[ اسم الدلع شوشو ]

المهم كان فى نفس اليوم
اتولدت بنت امورة اسمها عبلة اسم [ الدلع محمد واحيانا سلمى ]

و هى
الوحيدة اللى كانت معترفة بهيثم على انه كائن حى يعيش و يتعايش [ندعوك للتسجيل في المنتدى أو التعريف بنفسك لمعاينة هذه الصورة]

كانوا
بيروحوا يلعبوا مع بعض تنس فى نادى الجزيرة

طبعا كان بيتقفش عشان
معهوش كارنيه النادى

و ياما اتقفشوا و هما بيلعبوا فى الخرابة بتاعة
عنتر

واتمنع عنتر
من انه يشوف سلمى واتنفى لسينا وكان بيرعى هناك الغنم

و كبر هيثم
وكبرت عبلة بعيدين عن بعضهم

ولكن ذكر فى بعض الكتب انهم كانوا
بيتكلموا على الايميل كل يوم هذا ما يعتقد الجميع

وهناك ايضا
اشاعات عن ان عنتر كان معاه رقم الموبايل بتاع عبلة

بس اللى ما
اتذكروش هل الموبايل كان موبايل جيل تالت بكمرتين نوكيا ولا موتوريلا او
صينى بيركب فيه خطين [ندعوك للتسجيل في المنتدى أو التعريف بنفسك لمعاينة هذه الصورة]

بس
الاكيد ان الخط كان فودافون [ الراعى الرسمية لقبيلة بنى عبس ] [ندعوك للتسجيل في المنتدى أو التعريف بنفسك لمعاينة هذه الصورة]

وفى اول يوم عبلة راحت
السجل المدنى وطلعت بطاقة شخصية

العرسان بدأوا ييجوا البيت و كان فى
مقدمتهم الفارس المغوار عمارة الزيادى

و فى نفس الوقت كان عنتر
واخد جروب من الغنم وطلع شرم يروش يومين

راحت سلمى متصلة بيه
وقالتله على الليلة دي [ ده يأكد ان معاها موبايل ]

أول ما سمع
الخبر كان بيتفرج على ماتشات اليورو سنة 100 قبل الميلاد على الجزيرة
الرياضية بلس1

وطبعا انزعج راح قالب على قناة الجزيرة الوثائقية
وطافى التكييف

واما هدى شوية قال الموضوع مايستاهلش راح قالب على
روتانا سينما وشغل المروحة [ خير الحلول الوسط ]

ونام متنكد اليوم
ده وعلى لسانه جملة تتكرر [ روتانا سينما مش هتقدر تغمض عينيك ]

صحى
تانى يوم قال ياخد غطس كدة فى المالح قبل ما يروح على القبيلة

و هو
طالع من البحر قابل مزة [ او اوكشة او حتة طرية زى ما تحبوا ] [ندعوك للتسجيل في المنتدى أو التعريف بنفسك لمعاينة هذه الصورة]

المهم
طبعا هو وفى ومخلص فى حبه لعبلة فقال برضه ما يخسرش الحتة الاجنبى دي

[
كانت من بلاد الملك النعمان فى صحراء الربع المليان ]

خد موبايلها
وقالها على ميسدات [ رنات يعنى ]

و كان محتار يركب ايه و
هو رايح القبيلة و فكر كالتاتي

لو خدت الناقة هروح تكون اتجوزت و
ولادها بيقولولى يا عمو

لو خدت مينى باص هيقف كتير يحمل ركاب وبرضه
مش هوصل

هيليكوبتر هيقولوا بيتفشخر وجاب الفلوس دي منين

أخد
بيجو سبعة راكب مش هينفع مش عايز حد يقعد جنبى عشان دخان السجاير

واستقر
على أحسن رأى يروح بنفس الطريقة اللى جه بيها [ طبعا عارفين ازاى ]

المهم
وصل هيثم قبيلة بنى عبس بعد صلاة العشا بشوية

ودخل على البيت خد
الطبنجة ومطوى قرن غزال واتصل بالشلة

شوشو [ شيبوب طبعا ] وعلى
علوكا وأشرف كخة وزيزو النتن

وخلاص بيحط المفتاح فى الباب وسمع صوت
مألوف .. انه صوت امه زبيبة [ندعوك للتسجيل في المنتدى أو التعريف بنفسك لمعاينة هذه الصورة]

[
مش متأكدة الفيلم ما جاش من فترة ]

على العموم اسم الدلع [ زوزو ]

بتقوله
استهدى بالله الصباح رباح انت تروح دلوقتى تسهر مع الشباب فى كازينو عبس

او
تقعد فى كافيه نت عبسو دوت كوم

وبما انه بيحب امه سمع كلامها وطلع
على الخمارة وقعد يشرب لحد ما بقى سكران طينة

راح اخوه شيبوب خده
وطلعوا على فندق 4 سيزون فرع عبس ويقال [ شيراتون عبس ]

وبعد ما خد
شاور وفاق كان الصبح طلع والجمل كان بيدن كوكو كوكو

راح خد اصطباحة
من على قهوة ام العبسيين وراح شارخ على بيت عبلة

وهو فى الطريق اتارى
عمارة كان عارف ان عنتر حالف يمين طلاق يتجوز عبلة

راح عامله كمين
على اول الصحراوى وطبعا عنتر ما كانش عامل حسابه

بس الحمد لله رمى
المطوى والسلاح ولكن حدث ما لم يكن فى الحسبان

كان فيه ازازة بيرة
على كام ازازة كونياك من ليلة امبارح فى شنطة العربية

راح الظابط
قاله رخصك وانزل من العربية و حط ايدك على الكبوت

ولكن هيثم كان حظه
حلو مرة واحدة الانذار بتاع العربية اشتغل الظابط اتخض

راح عنتر
سارق مسدس الظابط وحط الظابط فى شنطة العربية ورماها من فوق الجبل

واتعمل
محضر وقضية ضد مجهول

ووصل
اخيرا لبيت ست الكتكوتة عبلة وتفاجأ عمارة فصرخ باعلى صوته :

يا
ولد هات البيرفن [ العطر يعنى ]

ورد الولد : هل تريد بيرفن hugo ولا
boss يا سيدى ؟

قاله : هات اللى بيكهام كان عامله اعلان [ندعوك للتسجيل في المنتدى أو التعريف بنفسك لمعاينة هذه الصورة]

وعندما تأزم الموقف وكادت الحرب ان تقوم
جت فكرة للماكر مالك [ ابو العروسة ] هو والواد عمرو ابنه

قالوا
نعلى المهر بتاع البنت

نريد الف دجاجة من الديوك البلدى [ النيوق
الحمر ]

و 500 فرخة بيضة

و 100 طبق بيض بصفارين

[ ده
فطار مش مهر ]

المهم مالناش دعوة هما اللى طلبوا

طبعا كلنا
عارفين ان الحاجات ديه مش موجودة غير فى مزارع الفرارجى حاليا [ الملك
النعمان سابقا ]

قبل عنتر التحدى و شرب ازازة DEW ديو قوى قلبك وعيش
المغامرة

و راح جاب اللند كروزر عشان هيعبر صحراء الربع الفاضى

وقبل
ما يمشى عبلة نادت عليه و اديته حظاظة

راح خالع السلسلة بتاعته
ونضارة الشمس

و قالها : اوعدك انى هرجع ومعايا الفراخ

قالتله
: ما تنساش البيض عشان هنعمل كيكة [ندعوك للتسجيل في المنتدى أو التعريف بنفسك لمعاينة هذه الصورة]

وشيبوب ما رضيش يسيب اخوه راح واخد
العربية الهامر [ زى بتاعة تامر ]

وراح طالع وراه وبعدما سار خلفه
ما يقارب من الف كيلو وقف فى اشارة مرور نص ساعة [ اصلها كانت ساعة خروج
الموظفين ]

ومعرفش يلاقى عنتر راح الشركة بتاعة العربيات وطلب تحديد
مكان العربية بجهاز التموضع العالمى

ولكن حدثت له صدمه اكتشف ان
عنتر مش شجاع زى ما كان فاكر

لقى مكانه فى سوق التلات بيحاول يجمع
اكبر عدد ممكن من الفراخ وقعد يراقبه من سوق لسوق

السوق السودة
والحرة وسوق الجمعة ماخلاش لف مصر بحالها

و بعد يومين رجع عنتر
للقبيلة لقى شوشو [ شيبوب ] واقف على اول الزراعى

ولاحظ من نظرة
عينيه انه عرف هو جاب الفراخ منين

شيبوب بص شوية لعنتر ومرة واحدة
راح ضاحك وقاله :

ندل ياله بموت فيك يلا نروح نودى الفراخ ديه عشان
ريحيتهم طلعت

واستغربت
القبيلة كلها من سرعة عودته واول ما عبلة شافته و كانت لابسة فستان الفرح
قالت له بعلو صوتها :

ايه ده يومين انت ما بتتفرجش على افلام ؟ ده
انا لو رحت جمصة هقعد اسبوع

قالها : معلش يا بيبى ما انتى عارفة
التقدم العلمى و احنا فى عصر السرعة

قالتله : اسرح يا حيليتها وامشى
شوف حالك يلا يا نوئة

طبعا زعل عنتر و معناوياته
اتدشدشت و بقت تحت الارض زى طلاب الثانوى ايام الامتحانات

وقعد
يضرب بانجو ويشم وياخد حقن وكانت حالته تصعب على الكلب

راح طالع هو
واخوه فوق الجبل [ عارفين الحتة اللى كان بيقعد يعزف و يعنى فيها فى الفيلم
..

ايوة هى ديه عليكوا نور ] [ندعوك للتسجيل في المنتدى أو التعريف بنفسك لمعاينة هذه الصورة]

واخوه
شيبوب نصحه نصيحتين يدلوا على حكمة و خبرة فى الحياة قاله :

يا
ابنى بلدنا ديه ما فيهاش اكتر من النسوان و الرجالة اللى عندهم جنان

والحياة
زى الخيارة يوم فى بقك و يوم تاخدها من بق غيرك و تحطها فى بقك .. ترمى
واحدة تلاقى التانية

و
فى هذه اللحظة افتكر عنتر البنت اللى كانت فى شرم

[ فاكرينها ؟؟؟
الحتة الطرية ] .. عليكوا نور [ندعوك للتسجيل في المنتدى أو التعريف بنفسك لمعاينة هذه الصورة]

راح
باعتلها كلمنى شكرا راحت مدياه ميسد ونسي عبله حبيبته في ثانيه [ندعوك للتسجيل في المنتدى أو التعريف بنفسك لمعاينة هذه الصورة]

زائر

هههههههههههههههههه
جامد يا كريزما