كـــــــــــــــــــــــرســـــــي الإعتـــــــــراف

مين عالكرسي ان هابي
نورتى يا باشا
دا نور الكهربا ياحاجه
يلا ابدا انا اسئله
اتفضلى
يلا بسم الله


- ماذا تعني لك الصداقة؟ ومين اقرب صديقة ليكي في الحياة؟ ومين اقرب صديقة ليكي جوه المنتدى؟
الصداقه دى احلى شىء ف الوجود وخصوصا لما تبقى بجد لما تلاقى فعلا صاحبتك بتخاف عليكى ومعاكى ف كل وقت لا ومش كده بس دا. انتى بتحسى ان انتى هى وهى انتى
صاحبتى طبعا نونه وموللى هما دول حياتى عمرى ماشوفت ناس جدعه زيهم كده

2- لو اتحطيتي في اختيار بين حبيبك وصديقتك تختارى مين وتضحي بمين؟ بمعنى اخر لو نتى وصديقتك حبيتوا شخص في نفس الوقت وهو اتقدملك ياترى توافقي وتخسري صديقتك والا ترفضي وتخسري حبك؟
طبعا صديقتى
لانه هو يتعوض انما الصداقه عمرها ماتتعوض
وبعدين ازاى احنا الاتنين هنحب نفس الشخص وانا اصلا مش بخبى عليها حاجه حاجه مستحيله الحصول

3-كل شخص مننا جواه نسبة حزن ياترى نسبة الحزن جوه زهرة كام في المية؟
هى مش كتير لانى لما بكون زعلانه بدور ع اى حاجه تفرحنى ومش بخلى الحزن يسيطر عليا
يعنى زيى ماتقولى كده 30%

4- مين اقربلك وبتحسي انه فاهمك اكتر والدك والا والدتك ؟؟؟
الاتنين
مبخبيش حاجه عليهم هما الاتنين
لانى انا الدلوعه الصغيره واكيد لما بقول لماما حاجه بتسيحلى علطول قدام بابا
ههههههههههه
فهما الاتنين واحد فانا بلحق نفسى بقى علطول واقولهم هما الاتنين

5- ايه الموضوع اللي اتكتب في المنتدى هنا واتمنيتي بينك وبين نفسك انك كنتى صاحبة الموضوع؟؟؟
لا مفيش
لانى بعتبر اننا هنا واااااااااحد ومفيش فرق بينى وبين اى حد هنا
وبالتالى لو حد كتب موضوع يبقى انا اللى كتبته ومفيش فرق بينا

6- مين الصديقة اللي ممكن تعتبريها قدوة ليكي وتتمني تكونى زيها؟؟
والله هى مش صديقه هو اخويا الوحيد
هو دا قدوتى بعد الرسول عليه الصلاه والسلام طبعا
لانه علمنى كتير ف الدنيا

7- لو حبيتي شخص مش حاسس بيكي ياترى تعملي ايه ؟؟؟؟
لا طبعا مش هحط نفسى ف الموقف دا
انا احب حد وهو مش حاسس ليه ؟؟؟
وبعدين انا عمرى ماهحب حد الا لو هو اللى حس بيا الاول
انا عمرى ماهحقر من شانى قدام واحد

8- ايه النيك نيم اللي كتبتيه ع الماسنجر وكنتى حاسة انه بيعبر كويس؟؟؟ وايه النيم اللي حد من اللي ضايفاهم كتبه وعجبك واتمنيتي تكتبيه؟؟
النيك نيم اللى كتبته هو : لاتقل يارب عندى هم كبير بل قل ياهم عندى رب كبيييييييييييييير
بحبه جدا وبحب اكتبه
لا مفيش حد من اللى ضيفاهم اتمنيت انى اعمل نفس النيك نيم بتاعه

9- هاقولك كلمات توجهيها لاشخاص
- بحبــــــــك
كل المنتدى الجميل دا
- مواضيعك ممتازة
نونه
- انت فين وغايب عننا ليه
موللى
- المنتدى وحش من غيرك
كل الناس اللى غايبه ومش بتشارك
- رأيك بيعجبنى
احمد (المقنع)
- انت شخصية محبوبة جدا في تو داى
شيرو باشا وراشد طبعا
انت دمك خفيف اوى
راشد
- انت شخصية قوية تتحمل الصعاب
اسبيدو

10- هل خسرتى صديقة قبل كده؟ وليه ده حصل؟ وياترى بتعامليها ازاى دلوقت لو اتقابلتوا؟؟
والله انا خسرت اربعه مش واحده بس كنا اصحاب بقالنا حوالى 8 سنين
كلهم بقى مع بعض وسابونى
معرفش السبب والله فجاه دا حصل بس اللى انا واثقه منه انى معملتش ف اى حد حاجه وحشه
والله انا لما بشوفهم بروح وبسلم وبقلب سليم
عادى
مفيش حاجه ف الدنيا ستاهل اننا نزعل نفسنا عليها

11- هل ظلمتى حد قبل كده؟؟؟ وعملتى ايه لما اتأكدتى انك ظلمتيه؟؟؟ وياترى سامحك والا لا؟؟؟
لا عمرى ماظلمت حد
يابخت من بات مظلوم ولا باتش ظالم زيى مابيقولوا

12- هل حد ظلمك لدرجة انك قلتى مش ممكن اسامح؟؟؟ وياترى ايه الموقف لو ده حصل؟؟؟
انا اتظلمت اه من اصحابى ممكن
ومن ناس تانين ميعرفونيش ولا اعرفهم معرفه جامده وبيعاملونا مش تمام هو اينعم ميهمنيش
بس نفسى اقولهم حاجه ياريت تتاكدوا من الكلام اللى بيتقالكواا عننا وبعدين ابقو احكوموا علينا لان انتوا مش اتعاملتوا معانا عشان تعرفونا كويس
انا عموما بسامح مهما اللى ظلمنى ومهما كانت درجه الظلم بسامح
لان ربنا بيحب المحسنين

13- ايه العيب اللي شوفتيه في ان هابي ؟؟؟؟ وايه العيب اللي شوفتيه ومش قادرة تتغلبي عليه؟؟؟
انا احب ان الناس هى اللى تحكم عليا وتقول ايه عيوب ان هابى ومميزاتها
لان طبيعه الانسان مبيعترفش بعيوبه

14- ايه العيب او الصفة اللي ماتقدريش تتحمليها في اللي قدامك؟؟؟؟؟
الخبث
ان حد يعاملك من قدامك ياسلالالالالام مفيش بعد كده
ومن وراكى الله اعلم بيقول عليكى ايه ولا ايه
وياريت بيقول حاجه صح لا دا بيقول من دماغه وهو مش فاهم
دى اكتر حاجه بتنرفزنى موت

16- بتحبي ايه اكتر حاجة في كل من:
- شهور السنة
- فصول السنة
-ايام الاسبوع
- الليل والا النهار
- الأكلات
- المشروبات
- الالوان
اكيد كلها حاجات جميله
بس الليل والنهاراكتر حاجه عشان فيهم تفكر ف خلق الله
سبحان الله

17- لو هاتسافري مكان ومطلوب منك تاخدى شخصين بس معاكى تختارى مين؟؟؟
لا هما ناس كتير مش اتنين بس
اكيد هاخد اسرتى كلها
وهاخد اصحابى اللى بحبهم

18- دموع ان هابي ين الشخص اللي ماتخجليش لو شاف دموعك في اى وقت؟؟؟
اصحابى الانتيم



دول شويه قليلين جدا اى خدمه .... اوعى تقولى عليا انى شريره
هههههههههههههههه
ولا شريره ولا حاجه
براحتك خالص
ومش تزعلى منى
ربنا مايجيب زعل ابدا