ياريت كلنا نفوق شويه ونفكر صح ولو لمره

زائر

السلام عليكم ورحمه الله وبركاته

يا جماعه بجد دى رساله منى لكل اللى على المنتدى لأنكو كلكو حبايبى واخواتى فى الاسلام ولازم اخاف عليكو وعلى نفسى

دلوقتى فى زماننا ده معدش حاجه صح و الله احنا اللى منجينا من عذاب ربنا ان فى ناس بتؤمر بالمعروف وتنهى عن المنكر لولا كده كان زمان عندنا فيضانات وكوارث طبيعيه كتير كانت تنهى كل الفساد ده

بس دلوقتى لازم نفكر فى حاجه ان الجامعه والمذاكره والنجاحات دى فى الدنيا بس ياريت نبقى ناجحين فى الدنيا والاخره

يعنى نبدأ باهم حاجه وهي الصلاه لازم ما نفكرش نسيب اى فرض علينا اعمل اى حاجه الا الصلاه .. وربنا يهدينا جميعا

انا من فتره قريبه عرفت حاجه مهمه اوى .. شفت نهايه اى انسان الطبيعيه

كنا عند جدتى يوم الخميس بليل وروحنا كلنا البيت ودخلنا ننام

صحينا الجمعه الساعه 10.30 الصبح على تليفون بيقول ان تيتا توفت جرينا كلنا ووالله شلناها انا وبابا قصاد بعض مع اعمامى وحطيناها فى القبر وكلها 10 دقايق وكنا مشينا وبقت لواحدها

شفتو الانسان نهايته ايه .. كله رجع وفضل لوحده.. لا اله الا الله

ياريت يا جماعه نتعظ شويه ونفوق بقى ويارب يهدينى ويهديكوا

وفى الاخر ارجو الدعاء لجدتى وكل امواتنا واموات المسلمين بأن يجعل الله قبورهم روضه من رياض الجنه ولا يجعلها حفره من حفر النيران

والسلام عليكم

فعلا يا ابو حميد عندك حق في كل كلمه قولتها
لازم نفوق لنفسنا اكتر من كده
ونعمل حساب لأخرتنا زي ما عاملين حساب لدنيتنا
وفي النهاي تقبل مروري والبقاء لله

زائر

منور التوبيك يا احمد والله
وربنا يهدينا جميعا

زائر

مشكور اوى على الموضوع الجميل ده
وربنا يرحم موتانا وموتى المسلمين
لا اله الا الله سيدنا محمد رسول الله

زائر

التوبيك نور بمرورك يا ايمان

زائر

دعاء التوبة إلي الله
اللهم إني أستغفرك لكل ذنب

خطوت إليه برجلي

أو مددت إليه يدي

و تأملته ببصري

أو أصغيت إليه بأذني

أو نطق به لساني...

أو أتلفت فيه ما رزقتني

ثم استرزقتك على عصياني فرزقتني

ثم استعنت برزقك على عصيانك

فسترته علي

وسألتك الزيادة فلم تحرمني

ولا تزال عائدا علي بحلمك وإحسانك

يا أكرم الأكرمين...

اللهم إني أستغفرك من كل سيئة

ارتكبتُها في وضح النهار أوسواد الليل

في ملأٍ أو خلوة

في سرٍ أو علانية

فلم أستحيي منك

وأنت ناظر إلي...

اللهم إني أستغفرك من كل فريضة

أوجبتَها عليّ في الليل أوالنهار

تركتُها خطأً أو عمدا

أو نسياناً أو جهلا

وأستغفرك من كل سنة من سنن

خاتم النبيين محمد صلى الله عليه وسلم

تركتُها غفلةً أو سهوا

أو
سياناً أو تهاوناً أو جهلا...

أستغفر الله وأتوب إليه

مما يكرهه الله

قولاً أوفعلا

باطناً أوظاهرا

أستغفرالله وأتوب إليه

البقاء لله يا احمد
ان لله وان اليه راجعون

زائر

دعاااء جميل اوى تسلم ياباشا

زائر

جزاكم الله كل خيــــــــر