مبادره بحبك يا بلدى

[size=16]كلنا أمة واحدة
كلنا من الأمة الإسلامية.. أمة محمد صلى الله عليه وسلم
وكل فرد فينا يفتخر بذلك ويحمد الله على هذه النعمة الغالية
ولكن بلدك هي إختيار ربنا لك


وكل واحد ربنا أختار له بلد يعيش فيها وينتسب إليها
وكل واحد فينا له نظرة وتقييم لبلده..والنظرة دي بتأثر فيها ظروف كتير اجتماعية واقتصادية بتكون جوانا إحساس هل نحن فخورين ببلدنا ولا لأ؟؟؟


وكتير مننا شايف بلده بنظرة سلبية.. وساعات كتير بيتأثر بالإعلام اللي بيظهر سلبيات وطنه بشكل مكثف.

صحيح إننا مهم نعرف سلبياتنا ولكن علشان نستفيد منها مش علشان نعممها لدرجة أنها تخلينا منشوفش أي حاجة حلوة في بلدنا...


طيب ما أنا بالنظرة السلبية دي بأخذ قرار بإيدي إني أعيش في مكان أنا مش راضي عنه.. لأن الاستغراق في السلبيات سيشعرني باليأس والإحباط وبأن بلدي لا يمكن تتخلص من السلبيات اللي فيها ومستحيل أنها تتغير للأحسن.



ومن هنا جاءت مبادرة (بحبك يا بلدي)

المبادرة اللي هدفها واضح من عنوانها

والهدف الرئيسي هو أننا نبدأ نشوف بلادنا بعين الحب
وأننا منستسلمش للصور السلبية والمحبطة اللي بتتنقل لنا عنها
وبكده تكون نظرتنا للايجابيات دافع وحافز لينا يساعدنا في تغيير السلبيات...


يلا نشوف إيجابيات بلادنا وأجمل الأشياء فيها
يلا نرصد كل حاجة حلوة أو أي ظاهرة إيجابية سواء من النعم اللي أنعم ربنا بها على كل بلد زي مثلاً الطبيعة الجميلة والموقع المتميز والجو الرائع أو الخيرات الطبيعية أو الصفات الطيبة والجميلة اللي بيتمتع بها كل شعب من شعوب العالم الإسلامي... أو حتى الحاجات اللي ناس من أهل بلدنا عملوها علشان يجملوا بها بلدهم زي المباني والأثار والمؤسسات وغيرها....


وأوعى تقول لأخوك أنا بلدي أحسن من بلدك.. لأن ربنا وزع النعم على كل البلاد، لأنه عادل سبحانه وتعالى.. واختلاف البلاد عن بعضها رحمة كبيرة من ربنا لأننا كلنا بنكمل بعض.. واللي حتلاقيه ناقص في البلد دي ممكن تلاقيه موجود في الأخرى وهكذا



(بحبك يا بلدي) حلم بتمنى أنه يتحقق.. بحلم بأن كل إنسان في عالمنا الإسلامي يحب بلده وحبه يكون أكبر دافع له علشان يغيرها للأفضل.. ويخليها أحسن بلد في الدنيا.. وإن شاء الله حتكون كده على أيد شبابنا....


ومهم جدا نعرف أننا لما نحب بلادنا نبقى بنطبق سنُة النبي صلى الله عليه وسلم
فالنبي أحب مكة ودعا لها... وأحب المدينة ودعا لها هي وشعبها الأنصار...

بس الحب كان من غير تعصب.. ومن غير تحيز... حب إيجابي.. وكان دايما بينظر لبلده بعين الحب مهما حصل...

وكمان قال لنا صلى الله عليه وسلم اللي حيموت في سبيل بلده حيموت شهيد وييجي مع سيدنا حمزة وسيدنا مصعب رضي الله عنهما

يلا يا شباب ابعتوا لنا صور جميلة وإيجابية من بلادكم وعليها التعليقات اللي تحبوها... أو أبعتوا مقالات فيها معلومات بتميز بلدكم أو شعوبكم...

أو أي حاجة تشعروا أنها حتعرفنا على أوطانكم
يلا نشوف بلدنا بعين الحب.. ويلا نحبب غيرنا في بلدنا


ومش مهم المشاركة كبيرة ولا صغيرة المهم أنك تشارك
صدقوني أنا متأكد لما المشاركات تبدأ حنشوف أد ايه بلادنا فيها حاجات جميلة ومشرقة.. وأد ايه ربنا مدينا نعم كتير جدا
بس أحنا أحياناً مش بنشوف الحاجات الحلوة لما بنركز طول الوقت على السلبيات

يارب بحلم تكون التجربة دي بداية لكل واحد فينا علشان يأخذ عهد على نفسه يغير أي شئ سلبي في بلده
وأنا متأكد أن الطريق ده ان شاء الله حيوصلنا في النهاية لرضا ربنا سبحانه وتعالى.. وتقدم بلادنا الإسلامية إن شاء الله...[/size]

مشكوووووووووووووووووووووووووووووووووووورة اايمى
بجد لازم نفكر فى السلبيات ونغريها تبقى ايجابيات مش نقعد حاطين ايدنا على خدنا ونقو بلدنا وحشه
البلد مش وحشه البلاد واحده بس المجتمع والناس اللى موجوده بتختلف من منطقه لاخرى هو اللى بيغير وياريت نغير بلدنا بايدنا وناخد خطوات ايجابيه بجد فى حياتنا وكفايه سلبيات بقى
احنا ازهقنا من الشر عايزين نحس بالخير وجمال بلدنا بقى وم نفضل نتكلم نقوووووول بلدنا حلوة لا عايزين افعال بجد
ميرسى ياايمى على التوبيك الرائع ده

بجد بجد موضوع جامد

توبيك هايل يا ايمى بجد مرسى للتوضيح فعلا احنا عايزين كدا وربنا معانا بقى

شكرا على الاهمتام يا جماعه
بلادنا حلوه اوى والله

بــــــــــلادبــــــــــــــــــــــا اجمل البــــــــــــــــــــــلاد

هو بصراحه الكلام حلو وانا هعيط بس ايه حلو في البلد عشان نحبها

علي العموم شكر علي اهتمامك ببلد تم الحذف من قبل الإدارة

مهما رحت ولا جيت هترجعلنا تاني يصحبي "شكرا علي الموضوع الجميل ده"

اولا مشكوور جدا احمد على الرد
بس ليه يا خالد بتقول كده
دى كفايه انها بلدنا
اقرا بس عن تاريخ مصر او حضارتها
بحب البلد بس مش بحب الحكومه هههه
بس بلاش نظره التشاؤم دى

بغض النظر عن الحديث يا ايمان بس ما حدش ينكر ان مصر خاضت اصعب المعارك العالمية
فانت تعرفين ان حملة لويس التاسع كانت تتكون من سبع بلاد تقريبا ومع ذلك دمرناهم وثانيها معركة التتار الذين امتلكوا لقب الجيش الذي لا يقهر فقهرناهم وثالثها ان صلاح الدين كان الجيش الذي حقق معه فخر صلاح الدين هو جيش مصري فقط
والاخيره ايضا انه في عصر الفراعنة قضي المصريون علي الهكسوس الذين هم كانوا اشبه بالتتار ولا انسي المعجزة التي حققناها في حرب اكتوبر وسيكون لي عنها كلام عند ترتيب معلوماتي عنها شكرررررررا

غض النظر عن الحديث يا ايمان بس ما حدش ينكر ان مصر خاضت اصعب المعارك العالمية
فانت
تعرفين ان حملة لويس التاسع كانت تتكون من سبع بلاد تقريبا ومع ذلك
دمرناهم وثانيها معركة التتار الذين امتلكوا لقب الجيش الذي لا يقهر
فقهرناهم وثالثها ان صلاح الدين كان الجيش الذي حقق معه فخر صلاح الدين هو
جيش مصري فقط
والاخيره ايضا انه في عصر الفراعنة قضي المصريون علي
الهكسوس الذين هم كانوا اشبه بالتتار ولا انسي المعجزة التي حققناها في
حرب اكتوبر وسيكون لي عنها كلام عند ترتيب معلوماتي عنها شكرررررررا

بلاش تعيش فى الماضى .......ده تاريخ

بايدك تعمل كل شئ فى الحاضر
من اجل مستقبل افضل لأولادنااااااااا

شكراااااااااااااااااا

طبعا كلنا عارين تاريخنا المشرف
بس احنا فين دلوقتى
تقريبا ...........ضايعين
وده اللى اقصده فى الموضوع
اننا نحاول نشوف الحاجات الحلوه اللى فى بلدنا ونطورها بس الحاجات الوحشه نحاول نقللها ونمحيها كمان
شكرا للجميع