التسول...........فن وحرفه

زائر

المشهد الاول

خارج مسجد السيدة زينب ، بعد نجاحى فى الثانوية العامة و ذاهابى انا و تيتا علشان توفى بندرها و اخدنا ارغفة لحمة ، و اول ما نزلنا من العربية و تيتا طلعت الشنط هجوم غير طبيعى من المتسولين و اللى قاعدين عند الجامع ، لدرجة انى خفت جدا من الزحمة و من الضرب اللى حصل [ندعوك للتسجيل في المنتدى أو التعريف بنفسك لمعاينة هذه الصورة] و رجعت العربية ، و فجاه بقت خناقة كبيرة لان ناس اخدت نصيب و ناس لا

المشهد التانى

يوم جمعة و انا و اخويا بنتمشى على الكورنيش ، و فجاه هجوم غريب من الباعة الجائلين اللى عايزينا نقعد و نشرب شاى و حمص الشام و كمان نركب مركب و المتسولين اللى ماسكين ورود و بيحاولوا انهم يبيعوها بالغصب و بالاكراه

المتسولة : و النبى يا بيه اشترى وردة علشان الهانم

اخويا : الله يسهلك يا بنتى

المتسولة : طيب ادينى حاجة لله

انا : قالك الله يسهلك خلاص بقى

المتسولة : ربنا يخليهالك يا رب يو تتجوزها

اخويا : يا بنتى دى اختى مش حبيبتى

المتسولة : مهو انا مش هامشى غير لما تدينى حاجة

انا : انتى رزلة ليه خلاص بقى كفاية [ندعوك للتسجيل في المنتدى أو التعريف بنفسك لمعاينة هذه الصورة]

المتسولة و هى ماشية ورانا : انا ماكلتش حاجة من الصبح ادونى بقى فلوس علشان اكل

انا : ربنا يسهلك و حلى عننا بقى احنا مش حبيبة

اخويا : خلاص ماتتكلميش معاها سيبيها و هى هاتمشى لوحدها

المتسولة : لا انا هافضل وراكم لحد لما تدونى حاجة او تشتروا وردة

انا : يا صبر ايوب امشى من هنا و خلصينا انا زهقت

اخويا : يا بنتى عيب امشى من هنا بلاش فضايح

المتسولة : طيب يا رب تتجوز غيرك و انت ماتلاقيش واحدة تتجوزك [ندعوك للتسجيل في المنتدى أو التعريف بنفسك لمعاينة هذه الصورة]

المشهد التالت

فى رمضان قبل الفطار بنص ساعة بحب اقف فى البلكونة اتفرج على الشارع و هو فاضى ، واحد سعودى لابس عقال و جلابية و نازل من عربيته و حواليه يجى 20 متسول و متسولة و اطفال صغيرين بيحاولوا ياخدوا منه اى فلوس ( منطقتنا فيها عرب كتير )
و السعودى بيديلهم و بعدين بيحاول يهرب منهم بيجروا وراه لحد البرج اللى ساكن فيه و الامن بيطردهم و بتحصل خناقة

المشهد الرابع

قدام عمارتى واحدة متسولة و معاها طفلة

المتسولة : ادينى حاجة لله اكل البنت اليتيمة دى

انا : يا ست انتى هو انا مش لسة شايفاكى فى مترو الانفاق من يومين و قلتى ان جوزك عاجز منين بنتك يتيمة و منين جوزك عاجز ؟

المتسولة : لا مش انا يا ست اللى شفتينى

انا : انا متاكدة انى شفتك و علطول انتى فى المترو

المتسولة : مش عايزة تدينى ماتدينيش المساعد ربنا : مهو انتوا كدة لما ربنا يفتحها عليكم ييتجبروا و قلبكم يقسى على الغلبان

انا : يا ست روحى اشتغلى اى شغلة الشغل مش عيب بدل ما انتى بتتسولى كدة
و مشيت و سيبتها

المشهد الخامس

بعد اربع ايام من المواجهة دى قابلت المتسولة دى عند السوبر ماركت اللى جنبنا بتاخد مخلل و فى ايديها حزم كتير من البقدونس و الفلفل الحامى و بتطلب من صاحب السوبر ماركت يجمدلها 300 جنيه فكة ، و طلعت ارباع جنيهات و خمسينات قرش و جنيهات و مشيت

صاحب السوبر ماركت : هو احنا مش هانخلص بقى من الناس دى

انا : هى الست دى مش المتسولة اللى بتقف قدام بيتنا

صاحب السوبر ماركت : ايوة هى و كل يوم تيجى تجمد من عندى 200 او 300 جنيه فكة تخيلى دة نصيبها من التسول

انا : يا خرابى طيب ماتروح تشتغل شغلة شريفة احسن من الكدب بتاع العيل اللى معاها و بتجرى عليه و مرة ابوه عاجز و مره ابوه متوفى

صاحب السوبر ماركت : يا انسة انتى عارفة عربية الكبدة اللى بتقف بيها عند موقف المظلات

انا : ايوة ساعات بشوفها هناك

صاحب السوبر ماركت : هى صاحبة العربية دى و الشاب اللى بيقف عليها دة ابنها الكبير كل يوم يجى ياخد منى علبة سجاير و يمشى

انا : يا نهار ابيض معقول ؟؟؟؟؟ امال مين البنت اللى على ايديها دى ؟ [ندعوك للتسجيل في المنتدى أو التعريف بنفسك لمعاينة هذه الصورة]

صاحب السوبر ماركت : معرفش تلاقيها مأجراها باليوم و لا حاجة [ندعوك للتسجيل في المنتدى أو التعريف بنفسك لمعاينة هذه الصورة]

المشهد السادس

يوم العيد الصبح ، جرس الباب بيرن ، فتحت الباب لقيت بنتين لابسين اسود

البنت 1 : صباح الخير و كل سنة و انتوا طيبين

انا : صباح النور و انتى طيبة ، اى خدمة اقدمهالك ؟

البنت 1: انا بنت عم محمد المسحراتى ، و هو اتوفى النهاردة الساعة 6 الصبح و احنا مامعناش فلوس للدفن

انا : لا البقاء لله ، ربنا يرحمه ، زعلتينى و الله انا بشوف عم محمد من و انا طفلة صغيرة

البنت 2 : احنا طمعانيين فى كرمكم انكم تساعدونا باى فلوس علشان نقدر ندفنه و نعمله عزا

انا : طيب اتفضلوا ادخلوا مش هاتقفوا على الباب

البنت 1 : لا معلش خلينا هنا

انا : طيب دقيقة و دخلت ندهت ماما و حكتلها و ماما طلعت و ادتلهم اللى فيه النصيب

و تانى يوم العيد جرس الباب رن رحت افتح ، و الصدمة عم محمد قدامى بشحمه و لحمه ، طبعا طلع الموضوع كان لعبة و اتضحك علينا و الله اعلم خدوا من كام واحد من السكان تمن للعزا و الدفن المزعوم [ندعوك للتسجيل في المنتدى أو التعريف بنفسك لمعاينة هذه الصورة]

مع تحيات
احمد سمير

زائر

ههههههههههههههههههههه
ربنا الغنى ربنا معاهم ان شاء الله ومش يعملوا كدا تانى مش فى غير الدعاء لهم

هههههههههههههههههههههه
الله يسهله يا حج

زائر

هههههههههههههه
مهو اصل التسول دلوقتي بقي مهنه
كل اللي ملهوش مهنه يروح يشتغل متسول
ربنا يهديهم
تسلم الايادي