سهوكة بنات

زائر

بصراحة الموضوع منقول بس عجبني جدا ,لان فعلا الموضوع ده بضايق منه من البنات

ولكن مع انه موضوع مضحك وانت بتقرأه , فإنه مهم جدا

**
**
**
**
**

معنى كلمة سهوكه
وهى صفة منسوبه للمرأه ويقال انها بتتسهوك او متسهوكه

السهوكه هى التحايل فى طلب شىء مع جذب التعاطف من الاخريين
تستخدمها البنت فى حاله احتياجها لتلبيه اى طلب تطلبة من الرجل
وطلب الشىء دا بطريقه تفوح منها رائحة الدلع الشديد ..الشديد اووووى

مع انها تحتوى على الحاح اشد

ولو غفلت عين الرجل عن الدلع

بين قوسين سهوكه

هيلاقيها زى الاخ اللى بيبيع ورد على الكورنيش وانت قاعد مع خطيبتك

ويجى يفرض عليك انك تشترى منه بالعافيه
ومضطر طبعا انك تشترى علشان تخلص من زنه ..

دا نفس الحال فى سهوكة البنت
سواء بتطلب من خطيبها او حبيبها او من جوزها اى شىء
زى تغيرلها العربيه .. خاتم او كوليه عجبها وعاوزاه
عزومه او فستان .... الخ

والمشترك بينها وبين الراجل دا تلبيه الطلب
لان فى الحالتيين هتطلع اللى فى جيبك
بس المرادى هتبقى راضى وهتبقى على قلبك زى العسل
ودا بسبب نسبة السهوكه المضافه اللى طريقة الطلب

اشكال السهوكه

السهوكه ليها طرق كتير جدا منها بالكلام او الافعال او حركات الجسم

مثلا خطيبتك او حبيبتك عاوزه حاجه منك وعارفه طبعا انك ممكن ترفض

اول حاجه هتبدا كلامها ب .. حبيبى انا عاوزه..... وخد عندك [ندعوك للتسجيل في المنتدى أو التعريف بنفسك لمعاينة هذه الصورة]

حبيبى اللى فى الاول ليها مفعول اكيد جدا فى تهدية اعصاب الشخص المتلقى وتهدى من روعة ما يلحقها من طلبات

او حبيبى انا عاوزه اطلب منك طلب بس انا خايفه

تأثير كلمة حبيبى هنا مش كبير .. التاثير هنا هيبقى لكلمة انا خايفه
التى من شائنها رفع دقات القلب وتدفق الدم وصغر حجم بوء بوء العين

وزيادة منسوب الشهامه والحب ان ازاى حبيبى وخايفه

وتنهى طلبها بكلمات تعاطفيه تحسسك بيها بمدى ضعفها ادامك .. يا ضنايا [ندعوك للتسجيل في المنتدى أو التعريف بنفسك لمعاينة هذه الصورة]
زى .. وحياتى عندك يا حبيبى
مش عاوزه اكون حمل كبير عليك بطلباتى
لو مش هتقدر عادى يا حبيبى انا ممكن استحمل

هب ينط عرق الشهامه والرجوله والجناحات تتفرد ويعمل نفسه سوبر مان

والملاحظ ان الرد الوحيد عن كل الطلبات دى بتبقى..
من عنيا يا حبيبتى طلباتك كلها اوامر.. جتك ستين خيبه

وهنا السؤال
فى تلبية الطلب دا بعد السهوكه
ومع ان كل الرجاله اكيد عارفيين الكلام اللى انا قولتله دا
وعارفين باقى الطرق

هل هو ضعف منه ؟؟
او بانه خلاص لبس الطربوش او اتضحك عليه بالكلمتيين دول؟؟
يعنى اتاكل بعقله حلاوة

ولا من حبه ليها وانه مش عاوز يرفضلهها طلب

ردى على السؤال دا كان جمله واحده

ان كيدهن عظيم

زائر

جميل جدااااااااااااااااااااا
تسلم ايدك شيروا

زائر

ههههههههههههههههههه
هههههه تسلم ايدك يا شيرو
ع التوبيك الرائع ده
بس ممكن يكون بيحبها ومش عايز يزعلها
ولا يرفضلها طلب

» تأثيير المسلسلااات التركية على بنات المدرسة
» صفات بنات اليومين دول ياساتر يارب
» الفرق بين بنات الجامعات الخاصه والحكوميه
» هل يجوز الزواج من بنات العم أو العمة أو الخال أو الخالة ؟