هل الحب يتجزأأأأأأ؟؟؟؟؟؟؟؟؟؟؟(نعم_______________لالالالالالا)

السلام عليكم ورحمة الله وبركاته
احبتى واخواتى...
الموضوع ده مجرد فضفضه احب تشاركونى فيه
وده مجرد كلام من القلب للقلب

هناك ما يسمى بالحقيقة.. لكن ليس معنى(ان الناس تعرف بوجود الحقيقه) (انهم يعرفون الطرق الصحيح للوصول اليها)
مثال: الحب شىء حقيقى.. الكل يعرف بوجود الحب..لكن ليس الكل يعرف الطريق الصحيح للوصول للحب

انت حبيت او حبيتى وعاوز تعرف انت فين من الطريق
اللى انت ماشى فيه؟

انا حبيت مره واتنين وتلاته ..
قلت مع الوقت اللى حبتها فيهم حب حقيقى اكيد مش هنساها
والاتنين التانين هنساهم مع الوقت لانه كان حب موهوم
النتيجه: (منستش ولا واحده)..بس اكيد برده انا محبتهمش كلهم فى نفس واحد

طب انا عاوز الطريق الصح اللى يوصلنى لحب بجد مش مجرد وهم

هل مفيش حب خالص؟.....لا اكيد فى .. واحتمال الجواب بان مفيش حب خالص مستبعد

طب اوكى فى حب ..اللى انا بعمله ده بقى اسمه ايه؟!......الاحتمال الاقرب ان احساسى بالحب ده
احساس متلخبط مع احساس تانى يشبه له

طب زى ايه؟...... الاعجاب مثلا ..ليه نفس تأثير الحب لكنه مش حب وبالفعل انا ممكن اعجب بواحده او اتنين او تلاته فى نفس الوقت

طب لو الحب موجود ..واللى انا بعمله ده مش حب..طب فين الطريق الصح للحب؟!

انا هسهل الاجابه من خلال 3 نظريات:
---------------------------------------------------------------------------
النظريه الاولى :نسميها انا نفسى احب واتحب:-

حب واتحب برحتك يا سيدى بس اعرف حدودك ايه؟
اولا: كلنا عارفين ان الحب ملوش حدود
ثانيا: برده احنا عارفين ان القلب له حدود فى الحب

طب تعالى نقسم الحب فى القلب حسب الاولويات
1 جزء لربنا ..نقول 99%حب
2 جزء لبابا وماما ..نقول 5.% حب
3 جزء للاقارب والجيران و..نقول 3.%حب
4 جزء للجنس الاخر..نقول2.%حب
طب لو هى دى اتقسيمه الصح ..تفتكر احنا بندى كل جزء حئه؟
يبئى اسم النظرية الجديد ادى كل جزء حئه
---------------------------------------------------------------------------
النظرية التانية: هى اخرة الحب دلوقتى ايه؟

لو عاوز اعرف الطريق الصح للحب ..لازم اعرف اخر الطريق .. حب فعلا .. ولا ايه؟
هنعرض النظريه دى من خلال حالات

الحاله الاولى: حبينا بعض.اهلنا ميعرفوش (ودى مشكله لوحدها). وبنخطط نتجوز كمان 4 سنين لما نخلص دراسه
تفتكر الحاله دى نسبة نجاحها كام؟
ده مع افتراض ان الاتنين نيتهم صادقه والولد مش هيرجع يقول للبنت اصل ماما جايبالى عروسه تانيه او او او؟
نقول نسبة نجاحها ..من 30%:40% تقريبا

الحاله التانيه:حبينا بعض.اهلنا لسه مش عارفين.الولد هيتقدم لما يلاقى شغل ويجهز نفسه
نسبة نجاح الحب هنا.. من45%:55%تقريبا

الحاله التالته:حبينا بعض.اهلنا مش عارفين.الولد هيجى يتقدم الولد جاهز وهيتقدم الاسبوع اللى جى ..هو قالى كده؟
نسبة نجاح الحب هنا 60%:79% تقريبا

الحاله الاخيره: احنا بنحب بعض واهلنا عارفين ومتفئين عالجواز
هنا توصل النسبه من 80%:95% تقريبا

ها عرفت انت او انتى اخر طريقك فين؟

---------------------------------------------------------------------------
النظرية التالته: نسميها انا نفسى اروح للطريق الصح

اولا فى المجتمعات الغربيه: نلاقى ان اخرة الحب عندهم ايه؟ مجرد علاقه جنسيه
(زنى والعياذ بالله)
ثانيا مجتمعاتنا الاسلاميه: نلاقى اخرة الحب جواز والحمد لله
يعنى نهاية الحب ـــــــــــ جواز
يعنى عشان تروح للطريق الصح لازم تتجوز

طب المجتمع بيفرض علينا ايه؟!
اولا : اهل العروسه مصعبين الجواز عالعريس هات وهات وهات
ثانيا: الجواز لازم يكون بعد نهاية التعليم..فمينفعش اتنين يتجوزا وهما بيتعلموا

طب ايه الحل؟؟!
ان الناس تبدء تشيل الافكار الغلط من دماغها وتبطل طمع
وده لما يتحقق ياخد وقت كبير جدا..لان ده يسمى تنميه مجتمع ثقافيا وهياخد وقت اكيد

الحل بقى اللى فى ايد الشباب: انهم ياخدو بكلام الرسول الكريم وبنصايحه
ويصوموا(من استطاع منكم الباءة فليتزوج فإنه أغض للبصر وأحصن للفرج ومن لم يستطع فليصم)

طب الخلاصه ايه؟؟
ان مهما كان مدى احتياجك للحب لازم تعرف ايه الطريق الصح ليه..وكمان الوقت الصح!
والا فانت او انت بتضيع وقتك او بتتسلى بيه
وفى الاخر ربنا هيحاسبك عن عمرك فيما افنيته ..متنساش

ملحوظه هامه: لو عجبك الموضوع ادعى لصاحب الموضوع بالهدايه وادعى للمسلمين بالنصر القريب
واللى عاوز ينقله انا معنديش مانع ..مع العلم ان الموضوع ده مجرد فضفضه مع الناس
يعنى هقبل النقد واتمنى يكون نقد بناء


طب ندى مثال
ربنا او الرسول لما كانو بيذكروا لفظة عبادة
كانت العبادة تذكر مع المعبود
والمعبود اما ان يكون الله ..بالنسبه للمؤمنين
او يكون صنم على سبيل المثال بالنسبه للكفار
طب انت عاوز تؤل ايه؟
انا عاوز اقول ان العباده لها معنى واحد
بينفذها العابد وبيؤدى عبادته الى المعبود
كذلك الحب له معنى واحد
بينفذه الشخص المحب الى المحبوب
طب لو كان انا الشخص المحب؟ مين هيكون المحبوب؟
ربنا ..الرسول..الصحابة ..الاب والام..الى اخره
طب لما اتكلمنا عن العباده
هل لما ربنا قسم العباده بين كفر وايمان هل قال ان العباده كمعنى يختلف من كافر الى مؤمن؟

لاء هنلائى العبادة عبادة لكن اللى بيميزها هو المعبود
فاذا كان المعبود الله كانت عباده صحيحه
واذا كانت عباده لغير الله كانت عبادة كفر
نرجع تانى للحب
الحب كله على بعضه حب مبيتصنفش وله مكان واحد
مكانه فى القلب
والمكان ده له سعة محدده ومحدوده
ومدام له سعه معينه يبقى لازم نقسم سعته الى اجزاء
جزء فيه اسمه حب الله
وبعد ما سمناه حب الله يبقى الجزء ده هياخد الصفه الخاصه
اللى انتى كنتى بتتكلمى عليها
وبعد كده الرسول ..وياخد الحب صفته الخاصة
وهكذا
كل مستوى يكون ليه صفته الخاصة
لكن كل فى الاول او الاخر اسمه حب مكانه القلب
فاوعى جزء يطغى على حق جزء تانى
لانهم كلهم مكانهم القلب
لو واحد زاد التانى اكيد مكانه هيقل
: يالعزيز نصفى ثلج ونصفى نار لاالنار تدوب الثلج ولا الثلج يطفى النار

شكرا على الموضوع والكلام الرائع ده

جمييييييييييييييييييييل كتيييييييييييييييير
تسلم ايدك بجد