مش عايز تبقي مطرب جامد ؟؟؟؟؟؟؟

زائر

قبل ما تقرأ الموضوع اعمل استطلاع الراى فوق

انت مين من مغنيين مصر ؟؟؟
بتحب تامر حسنى مش بتفوتله حفله
مفيش شريط نزله متحفظش شاطر
مخلصه مصروفك كله علشان تروحى حفلته
اكتشفت انك شبهه بعد ما لبست الطقم بتاعه في اخر كليب
بتمووت في هيفاء وهبي
مفيش فيديو كليب ليها الا وحفظته
عجباكى اوى ذوقها في اللبس
مكياجك كلو زيها
عمرو دياب ده مطرب عالمى
مفيش طقم لبسه في فيديو كليب الا واشتريته شاااطر
ده مره مضالى اوتوجراف شاااطره
اول ما بتشوفي الكليب بتاعه على التلفزيون بتغنيه معاه
شااااطر يا خويا شاااطرة يا اختى الاسلام فخور بيكو دلوقتى

ممكن اقول حاجه
انتو سمعتو حديث الرسول (صلى الله عليه وسلم ) اللى بيقول :
" يحشر المرء مع من احب " ؟
تخيل كده سيادتك محشور مع عمرو دياب يوم القيامه منظرك بقي عامل ايه
تخيلى كده انتى وهيفاء وهبي يوم القيامه وانتو قاعدين مع بعض كده
مش هو ده كان مثلك الاعلى مش هى دى كانت مثلِك الاعلى
عايز تحشر معاهم ؟؟؟؟؟!!!
سمعتك انت وهى
بتقولى ياعم هو احنا هنموت حالا احنا لسه شباب هتعملى فيها عم الشيخ ؟
لا مش هعملك فيها عم الشيخ انت ضامن عمرك انتى ضامنه عمرك انت ضامن تخرج النفس اللى انت خدته حالا فراجعى نفسك
واحد تانى بيقولى يا عم هو مش ساعه لقلبك وساعه لربك
هو يعنى تعصى ربنا ساعه وتعبده ساعه يعنى اروح اسمع اغانى واتفرج على كلبات في ساعه واروح اعتكف في المسجد ساعه لا طبعا المقصود هنا ان مش كل حياتك في المسجد يعنى عندك شغل عندك حياتك رفه عن نفسك شويه في حاجه حلال بس ده ميأثرش على عبادتك ولا ايه ؟
كان الرسول ( صلى الله عليه وسلم ) يجلس مع اصحابه فقال رسول الله (صلى الله عليه وسلم) :
ياتى على الناس زمان الصابر فيهم على دينه كالقابض على الجمر الواحد منهم بعشرة شهداء منكم
قال الصحابه : منهم
رد الرسول : بل منكم

فتخيل انت وهى شوف مكانتك عند الرسول طب شوف الحديث ده
كان الرسول ( صلى الله عليه وسلم ) يجلس مع اصحابه فقال :
اشتقت لاحبابى
فقال الصحابه : اولسنا احبابك يا رسول الله ؟
رد الرسول صلى الله عليه وسلم : انتم اصحابى انما احبابى هم قوم ياتون من بعدى لم يرونى ولم اراهم ولكن يؤمنون بي ويصدقوننى هؤلاء هم احبابى "
شوفتى الرسول بيعزك قد ايه شوفت الرسول بيحبك ازاى
طب ليه انت مش بتسعى لده ليه مبتسمعش كلامه انتى مش عايزة الرسول يشفعلك يوم القيامة
راجع نفسك راجعي نفسك
شوف انت عايز تحشر مع مين الرسول ولا تامر حسنى ؟؟؟!!!

ملحوظة الموضوع من اعدادى الشخصي ومتاح نقل الموضوع لاى مسلم و مسلمه مع ذكر المصدر

زائر

شكرا يايوسف على التوبيك الرائع ده
ربنا يحشرنا مع الرسول صلى الله عليه وسلم
تقبل مرورى