منتدى كلية التجارة جامعة المنصورة
عزيزي الزائر / عزيزتي الزائرة يرجي التكرم بالتسجيل من جديد اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي

منتدى كلية التجارة جامعة المنصورة

منتدى كلية التجارة جامعة المنصورة
 
الرئيسيةالتسجيلدخول

شاطر | 
 

 حمله هنتغير بجد

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3  الصفحة التالية
كاتب الموضوعرسالة
????
زائر



مُساهمةموضوع: رد: حمله هنتغير بجد   الجمعة سبتمبر 25, 2009 11:58 am

بجد انا استفدت من موضوعك دا بجد حملة هنتغير بجد اسم على مسمى يارب يغيرنا للاحسن ياااااااااارب


ميرسى ان هابى
جاكو
الرجوع الى أعلى الصفحة اذهب الى الأسفل
????
زائر



مُساهمةموضوع: رد: حمله هنتغير بجد   الجمعة سبتمبر 25, 2009 12:04 pm


تسلم ايدك يا حبى
دائماااااااااااااااااا كدة متالقة
تقبلى مرورى يا احلى ان هابى فى الدنياااااااااااااااااااااا
الرجوع الى أعلى الصفحة اذهب الى الأسفل
????
زائر



مُساهمةموضوع: رد: حمله هنتغير بجد   الإثنين سبتمبر 28, 2009 11:24 am

يااااااااااااارب ياجاكو نتغير بجد
ميرسى على مرورك
منور التوبيك
منوره يانونه ياحبيبتى
الرجوع الى أعلى الصفحة اذهب الى الأسفل
????
زائر



مُساهمةموضوع: رد: حمله هنتغير بجد   الإثنين سبتمبر 28, 2009 11:43 am

الحلــقة الــرابعــة عشــر


+السلام عليكم
=وعليكم السلام
+ايه اخبارك ؟
=كله تمام ..بس مخنوق شويه
+ليه ياعم كده
=مفيش امى زعلانه منى شويه
+.....
=بس هى اللى غلطانه
+.....
=علشان انا معملتش اى حاجه
ومرة واحد لقيتها..
+استنى بقى ممكن اتكلم
انت كل شويه تقاطعنى
=اتفضل
+بالله عليك انت عارف انت زعلان من مين ؟
=من امى
+شكرا على الاضافه
هو انا بقولك من خالتك
انا بقولك انت عارف مين هى الام ؟
=طبعا
+مين ؟
=هى اللى تعبت واللى ربت واللى ..
+لا فكك من الكلام بتاع زمان ده
وخلينا نتكلم بجد
+عارف الام دى يعنى ايه ؟
=يعنى ايه ؟
+قبل ما اقول لك معناها
حاول تشيل الكلمه دى من حياتك
وبجد جرب وتخيل وقولى
="مغمض عينيه"
لو شيلت الكمله دى
....
مفيش حد يفهمنى بجد
من غير ما اتكلم
مفيش حد يهتم بيا بجد
مفيش حد لو زعلان يحللى
مشاكلى من
غير ما اتكلم
مفيش حد اتناقش معاه بحريه
مفيش ...
+مفيش دى هتقولها حوالى 2 مليون مره
وخلى بالك معنى كلمه مفيش
انه مش موجود
+وتخيل بعد كل مفيش
لو اصبح ليك حياه
=فعلا حياتى مش هتبقى موجوده
لان هى سبب وجودى فى الدنيا
+انا مش قصدى ولكن انت موجود دلوقتى
لكن الكلمه دى مش موجوده
حياتك هتبقى عامله ازاى
هيبقى كل كلامك زعيق
لان مفيش حد فاهمك
هتبقى مش منظم
وحياتك هتبقى فوضى
لانك ماتعرفش شئ عن النظام
وحاجات كتييير جدا
هتتغير للاسوأ
والاكبر من ده
مفيش دعوتها
الجميله
اللى تريحك وتفرحك
وكأنك مالك للدنيا
وبرضه ماتعرفش هل ربنا راضى عنك ولا
لاءه لان رضى ربك من رضاها
=يااااااه ..ده انا امى حاجه كبيره اوى
+لا كل اللى اتكلمنا عنه
ده عن كلمه
أم
فما بالك بمعنى كلمه أم
=......!!!
+معنى كلمه أم
الحنان
العطف
الفهم من اول نظره ليك
العنايه بيك
الدعوه ليك
الحضن اللى بيساوى
الدنيا باللى فيها
"يقطع الحوار بكاء صاحبنا "

+انت بتعيط
والله انت تعبان
انتى امك لسه قدامك
روح وبوس ايديها
واوعى تقول الكبرياء
لان مهما تكبر وتتكبر مش على
امك وابوك
روح والحق
دعوتين يغيروك بجد
"صاحبنا يجرى دون اذن "

"طبعا علشان يلحق عوتين من الحاجه الوالده"

وانت فين من امك
وابوك
روح لهم
ولو مات واحد منهم
ادعيله انت
وهتلقى حياتك تتغير
يلا ده من غيرهم
انسى حاجه اسمها تغير
او حياه من غيرهم "

+ يلا ..السلام عليكم
و عليكم السلام

الرجوع الى أعلى الصفحة اذهب الى الأسفل
????
زائر



مُساهمةموضوع: رد: حمله هنتغير بجد   الإثنين سبتمبر 28, 2009 9:34 pm

يارب تكونى متالقة دايما يا ان هابى تقبلى مرورى
الرجوع الى أعلى الصفحة اذهب الى الأسفل
????
زائر



مُساهمةموضوع: رد: حمله هنتغير بجد   الإثنين سبتمبر 28, 2009 10:58 pm

ربنا يخليك ياامير
ومنور التوبيك
الرجوع الى أعلى الصفحة اذهب الى الأسفل
????
زائر



مُساهمةموضوع: رد: حمله هنتغير بجد   الأربعاء سبتمبر 30, 2009 9:40 am


راااااااااااااااااااااااااااااائع يا ان هابى
جزاكى الله كل خير
الرجوع الى أعلى الصفحة اذهب الى الأسفل
????
زائر



مُساهمةموضوع: رد: حمله هنتغير بجد   الأربعاء سبتمبر 30, 2009 10:17 am

وجزاكى مثله يانونه
منوره ياجميله
الرجوع الى أعلى الصفحة اذهب الى الأسفل
????
زائر



مُساهمةموضوع: رد: حمله هنتغير بجد   الأربعاء سبتمبر 30, 2009 11:02 am

الحلقة السادسة عشر

+حلقة النهاردة بعنوان

( يلا بينا نكون فى ذمة الله )



ازاى؟؟؟؟
لما نصلى الفجر !!
ايه رأيك..
شعارنا:
( صلاة الفجر فى قلبى )
هدفنا:
ممنوع اى مسلم ينام على صلاة الفجر
سياستنا:
هتصحى كام علشان تصلى


صفات المشترك:
1)مسلم بيحب ربه..انت بتحب ربك؟؟
2) الايكون من المنافقين..؟؟
3) يعلم ان الصلوات المفروضة 5
4) عاوز يشرب من الحوض
وعاوز يشوف رسول الله



ايه رأيك...؟
انت لسه بتفكر ؟؟؟
عاوز تنام؟؟؟
ربك لاينام !!
مش مكسوف..
مشلول مات فى صلاة الفجر
لو قلت لك يلا نلعب كرة.؟؟
هتيجى..صح؟
+طب يلا نصلى الفجر.؟؟
+هتيجى....
= فين ؟
+هتفكر برده
الاجابة:
=الشارع مظلم
+والقبر اظلم
=بخاف..
+خوفك من ربك وانت بتتسأل
على الفجر ..
=عاوز انااام..
+ولو مت هتعمل ايه؟؟
=مافيش حد بيصحينى..
+ولو كرة..
=بصلى لما بصحى
+"ويل للمصلين الذين هم
على صلاتهم ساهون"

+اسأل انابقى
هو اللى بيصلى الفجر
احسن منك فى ايه؟؟
=........

ربك راضى عنك؟
=........
انت راضى عن نفسك؟
=........
ماعندكش ذنوب؟
=........
مستغنى عنها؟
=........
ـــــــــــــــ
هتفضل منافق ؟؟
تعبان.!!!
عاوز تنام؟؟

نفسك تحج ...
عاوز رسولك يبشرك بالجنة..
عاوز تغسل ذنوبك..
عاوز وشك ينور..
عاوز..............الخ
كل اللى انت عاوزة هتلقيه؟؟
صلى الفجر وادعى من قلبك
ربنا يهدينا جميعاً

انتظرونا فى الحلقة القااادمة

هنتغير...هنتغير بجد
الرجوع الى أعلى الصفحة اذهب الى الأسفل
????
زائر



مُساهمةموضوع: رد: حمله هنتغير بجد   الخميس أكتوبر 01, 2009 6:15 am

تسلم ايدك . تقبلى مرورى
الرجوع الى أعلى الصفحة اذهب الى الأسفل
????
زائر



مُساهمةموضوع: رد: حمله هنتغير بجد   الخميس أكتوبر 01, 2009 12:16 pm

ربنا يخليك
منور
الرجوع الى أعلى الصفحة اذهب الى الأسفل
????
زائر



مُساهمةموضوع: رد: حمله هنتغير بجد   الخميس أكتوبر 01, 2009 12:20 pm

الحلقة السابعـة عشـر
(تابع..يلا بينا نكون فى ذمة الله )


+السـلام عليـكم
=وعليـكم السـلام
+ايه رأيك ..؟
=لسه مش اوى.!!
+برده ..
+طيب ايه رأيك فى الجملة دى
" ربنا ميز الانسان بالعقل
وميزك بالاسلام فماذا فعلت "
=حلوة بس مش فاكر..
+طيب بلاش السؤال ده
+كام مرة صليت الفجر ..؟
=ايه.. مش فاكر..؟؟
+طيب نقفل الصفحة دى
ونفتح صفحة جديدة

=========
====
=
+يلا ننسى اللى فات ونبدأ من جديد
ايه رأيك نعد كام مرة
صلينا فيها الفجر فى المسجد...!
=ياعم بقولك مابصليش الفجر اساسا
الا لما بصحى
وممكن ماصليهوش اساسا...
+ماليش دعوة باللى فات
ونبدأ من جديد
= خلاص ماشى..!!

+انت بتصحى امتى؟
=يعنى ممكن 7
=ممكن9
=ممكن 10
=ممكن1 ...
+وممكن ماتصحاش خالص
صح ولا ايه...؟!!
=عندك حق ..
=طب اعمل ايه..

+قبل ما اقولك تعمل ايه
خلى بالك
حط نفسك فى الموقف ده
"جالك تليفون ترن ترن بترد
=الو..
# وعليكم السلام ورحمة الله وبركاته
=مين معايا..
# ملك الموت...
=بطل هزار واتكلم عدل..
# انا ما بهزرش ..
# النهاردة هجى اقبض روحك..
=...؟؟؟؟
#باليل...
=مين معايا..مين معايا..
#...
( المكالمة انتهت )
+انت قفلت السماعة ومش قادر تقف
وبصيت علشان تشوف رقم الطالب
لقيت....
مفيش رقم ولكن مكتوب
" ملك الموت "
دى اول مرة الاقى
اسم مكتوب على الشاشة
==============


+بالله عليك هتعمل ايه..؟؟؟؟؟؟
=....!!
+معلش خلينى اقولك بعض
من اللى هيحصل مع معظمنا
1) مش هقول لحد علشان ميزعلوش اكتر
خليهم يعرفو مرة واحدة
2) مفيش اكل ولا شرب
و" لا نوم "
هتقعد طول الليل صلاة وبس
وتدعى يارب
لاتجعل ملك الموت يقبض روحى
قبل ما أصلى الفجر فى جماعة

=========
===
=
+صح كلامى ولا ايه..؟
=طبعا صح
+طيب وهو يعنى لازم تتزنق علشان تصلى ؟؟
من شوية كنت بتدعى انك تعيش
علشان تصلى الفجر فى جماعة ..!!
ودلوقتى ..؟
لسه ماتغيرتش..برده
=ياعم انت خوفتنى بجد انا عايز اصلى..
=اعمل ايه..؟؟؟
ماشى يا سيدى..
خلى بالك من الاتى:
1) نام بدرى وبطل سهر
2) اتوضى قبل ما تنام على الاقل
علشان لومت تبقى ميت متوضى
وبكده تبقى ميت شهيد
3) قلل معاصيك؟؟

+و بإذن الله هاتلاقى نفسك اتغيرت بدرجة ماتتخيلهاش
= ياااااارب
+ يلاااا بقى اسيبك انا
+ السلام عليكم
= و عليكم السلام



الرجوع الى أعلى الصفحة اذهب الى الأسفل
????
زائر



مُساهمةموضوع: رد: حمله هنتغير بجد   الجمعة أكتوبر 02, 2009 3:35 pm

الحلقة الثامنة عشر

عنوان حلقتنا النهارده

" ازاى اعبد ربنا صح "

+السلام عليكم


= وعليكم السلام ورحمه الله وبركاته

+ يا جامد



بقيت بتخم

= ليه !!

+علشان بترد السلام كامل وبكده تاخد 40 حسنه كاملين

=.....!!!

+المهم ندخل فى موضوعنا كلامنا النهارده واحد من تلاته فى اسلامنا
بس لا ننكر انه الاهم بس احب اوضح حاجه ان كل واحده من التلاته
علاقه الاولى وهى عباده الله علاقتك مع ربنا
والتانيه وهى الدين المعامله علاقتك مع الناس
والتالته اللى هى انت عايش ليه وهى علاقتك مع نفسك

بس التلاته نفعهم والفايده بتعود عليك وندخل فى اول واحده


وهى ازاى نعبد ربنا صح

= ماشى يلا بينا


+اولا من نعم ربنا العظيمه جدا علينا ان يوم القيامه وامام الميزان
هتلاقى واحد ذنوبه كتيييير ومرة واحده هتلاقى زى حاجه
تتحط فى كفه الحسنات هتخلى السيأت تتطير مع ان الحاجه دى
حجمها مش كبير






= هى ايه دى ؟

+دى كانت كلمه لا اله الا الله محمد رسول الله
ومع قله كلمتها 7 كلمات بس ولكنها تكون الدين كله فيها


= ازاى !!!

+ اقولك بس نقسمها على جملتين
الاولى لااله الا الله ودى انت كعباده بتوحدها لله
والدين بتوحده للاسلام


= ازاى






+الجمله هى لا اله الا الله ومجبناش اى لفظ للاسلام

+هو ربنا حبيبك مش قال ان الدين عند الله الاسلام

= احم ..احم ..صح
انت صح

+ نكمل
احنا كده فسرنا الجمله الاولى
والجمله التانيه محمد رسول الله
+ اسألك سؤال هو مش احنا مؤمنين بجميع الرسل


= اه

+ طيب ليه الرسول بالتحديد اللى نذكر اسمه ليه مانقولش سيدنا آدم مثلا

= لان هو ده اللى مكتوبعلى العرش

+ انا عارف وحاشا لله
انى اكذب هذا الكلام بس ليه سيدنا محمد بالتحديد


=.....!!

+ لان كل نبى من الانبياء
جاء برساله محدوده لمجموعه من البشرواوامر محدوده لهؤلاء البشر
ولكن الحبيب المصطفى جاء لكل الناس دى واحده والتانيه انه جاء بالدين كله
وهو الاسلام وهو خاتم الانبياء وبكده يبقى هو الطريق الكامل والاصح
الى تطبيق عباده الله


= صح كمل ياسيدى

+ ماشى يبقى احنا كده عرفنا معنى
اشهد أن لا اله الا الله واشهد ان محمد رسول الله
ولكن هيبقى فى سؤال هل اى واحد ينطقها
تتحسب له وبكده هيبقى مفيش حد هيدخل
النار وكل الناس على الجنه
وبكده يبقى انا اعصى
براحتى وابقى اقولها


= مش عارف !!

+ قبل ما اجاوبك
لازم تعرف ان قالها واحد اسمه
عبد الله بن سلول


= مين ده ؟

+ ده زعيم المنافين وماكنش بيحب ربنا ولا
الرسول وبكده يبقى هو عامل نفسه مسلم
بس هو مش مسلم فى الاصل المهم هتتسجل لك
امتى وهتشوف المشهد بتاعالميزان اللى قلنا
عليه معاك ويحصل معاك لما تتطبق الكلام اللى انت قلته
اللى هى الشهاده انك بتوحد الله فى العباده
فى الجمله الاولى
وبتشهد وبتستدل على الطريق اللى
يهديك لربنا


= ماشى كمل

+ للاسف

= ايه ...!!!
اوعى تقول هتمشى

+ماينفعش
معانا وقت لازم نلتزم بالوقت


= يا عم بقى ...

+ خلاص بقى الحلقه الجايه
ان شاء الرحمن


= ماشى ياعم

+السلام عليكم

= وعليكم السلام








__________________
الرجوع الى أعلى الصفحة اذهب الى الأسفل
????
زائر



مُساهمةموضوع: رد: حمله هنتغير بجد   الأحد أكتوبر 04, 2009 11:21 am


الحلقة التاسعة عشـــــر


حلقة النهاردة عنوانها


( عاوز اتوب بجد )



+السلام عليكم ورحمه الله وبركاته


=وعليكم السلام ورحمه الله وبركاته


+عامل ايه ؟


=والله مخنوق حبتين


+تانى ليه بس


=حاسس ان ذنوبى كتير اوى
وان ربنا مش هيرضى عنى مهما اعمل



+خلصت ولا لسه


=انت بتهزر


+انا بتكلم بجد


انا مش عارف ازاى تشيل نفسك كل الهموم دى ولك رب
اسمه
الرحيم
الكريم
العفو
التواب


=.............


+يا مسلم انت لسه هتفكر
روح له بجد وقوله انا آسف
انا غلطان فى حقك انا عاوزك
انا محتاجلك يا حبيبى لا تتركنى مهما
من ذنوب برضه برجعلك وهرجعلك
لا تردنى خائب ذليل لانك لو تركتنى هروح لمين غيرك
ولو فيه غيرك انا مش عاوز غيرك انا بحبك مهما اعصيك بحبك


=يعنى ربنا ممكن يسامحنى


+طب اسمع كلام حبيبك سبحانه وتعالى
(ومن يعمل سوءاً او يظلم نفسه ثم يستغفر يجد الله غفوراً رحيما)


=يعنى ممكن ....


+انت لسه هتفكر روح لحبيبك
وهتلاقيه يفرح بيك روح
وانت متأكد انه مش هيردك وهيقبلك


ونكمل في حلقتنا الجاية بإذن الله


=بس ما تتأخرش


+ان شاء الله مش هتأخر
السلام عليكم ورحمه الله وبركاته


=وعليكم السلام ورحمه الله وبركاته
الرجوع الى أعلى الصفحة اذهب الى الأسفل
????
زائر



مُساهمةموضوع: رد: حمله هنتغير بجد   الإثنين أكتوبر 05, 2009 11:28 am

الحلقة العشروووون

(عاوز اتوب بجد)
2
حلقة انهرده بعنوان

((ازاى اهد السور؟))



+السلام عليكم ورحمه الله وبركاته
=وعليكم السلام ورحمه الله وبركاته
+ايه الاخبار دلوقتى ؟
=الحمد لله
+ايه اخبار ذنوبك ؟
=يا عم ما تفكرنيش
+انا قصدى لسه كبيييييره
=من ناحيه كبيرة فهى كبيره
ولكن مش اكبر من ربى حبيبى
+الله ينور عليك
=وعليك
+طبعا احنا متفقين
من الحلقه اللى فاتت
ان الحلقه بتاعتنا النهارده
عن
ازاى اتوب بجد ؟
=ماشى
+فى البدايه كنت عاوز اقولك على حاجه
=اتفضل
+تخيل نفسك واقف فى منطقه معينه
=ليه يعنى !!
+يا حبى تخيل
=ماشى
+وانت واقف جنبك حائط
ووراء الحائط على طول فى
فى شنطه فلوس
مش بتاعه حد
وطبعا لو اخدتها هتحل بيها
مشاكل كتيييرة اوى
=ده لو الفلوس من حقى طبعا
+اه الفلوس دى اعتبرها بتاعتك
=ماشى كمل
+عاوز اسألك كام سؤال
=اتفضل
+هل الشنطه قريبه منك ؟
=مش عارف
+
امال مين اللى هيعرف!!
=وانت بتزعق لى ليه
هو انا اللى حطيتها يعنى ؟
+ماتزعلش يا جميل
انا آسف
ركز وفوق من الغيبوبه
اللى انت عايش فيها دى
=ماشى
الشنطه قريبه منى بس الفرق
الحائط
+رائع طب لو انا ما قلتش لك
ان الشنطه موجوده
كنت هتعرف هى قريبه ولا بعيده
=لاءه
+بس خلى بالك انها
فى الواقع قريبه منك
=ماشى
بس انجز علشان انا عاوز الشنطه دى
+طب ما تستعجلش
انا دلوقتى قلتلك
ان الشنطه قريبه منك
جدا
يبقى انت علشان تجيب الشنطه
هتعمل ايه ؟
=هكسر السور اللى بيننا
+حلو اوى اوى انت
كده بدأت تفهم
=طب انجز علشان انا بتعب من
التفكير
+ماشى انا عارف ان التفكير
صعب عليك
بس حاول
=ماشى
+طبعا انت لما تاخد الشنطه
هتاخد الفلوس
وهتحل بيها مشاكلك
=طبعا
+هو ده اللى انا عاوز اوصلك ليه
ان احنا قاعدين
حاطين ايدينا على خدنا
ومستنين النصر من ربنا فى كل حاجه
وربنا بلغنا
ان النصر قريب
=استنى والله فهمت
يبقى احنا علشان نوصل
للنصر
يبقى نهد السور اللى بيننا وبين النصر
+الله عليك
بس قول بقى
ايه هو السور ده
=.........
يعنى انت لازم تحرجنى
+ليه يا حبى ركز
السور ده هو الذنوب بتاعتنا
=ده كبير اوى السور ده
واحنا مش هنقدر نهده
او نفجره حتى
+طب ما انا عارف
انت استحاله تهده لواحدك
ومافيش غير حل واحد
بس
هو ايه؟؟؟
=ربنا سبحانه وتعالى
+بجد راااائع انت النهارده
=بس بلاش تحرجنى بكام سؤال تانى
+ماشى
يبقى احنا لازم نهدم السور ده
بس بالاستعانه بالله
+قولى بقى
ازاى هنستعين بربنا
=هنتوب
+لا ..لا..
بجد راااائع
انا خايف عليك من الحسد
=ماتخافش
انا هستعين بربنا
وهو وحده اللى هيحمينى من الحسد
+يا جامد
ايه الكلام الحلو ده
=ربنا يرضى عنا
+آميين
ندخل فى موضوعنا
احنا قلنا هنستعين بربنا
عن طريق التوبه
=صح
+ازاى نتوب بقى
=اتوب بأنى اروح لربنا
وادعى ربنا بأنه يسامحنى
+جميل وايه تانى ؟
=مش عارف ..كمل انت بقى
هو انت جاى ليه ؟
+ماشى
رقم واحد
نعترف بذنبنا
ومانتكبرش
ونقول مثلا كله بيعمل كده
لان لو دخل النار ماحدش هيعرفه
والتانيه
انك تروح لربنا
وده اللى اتكلمنا عنه
الحلقه اللى فاتت
والتالته
انك بجد تكون ناوى انك ما ترجعش
للذنب ده تانى
والرابعه
لو كان الذنب ده
فى حق حد
لازم تعتذر له
وماتقولش انا كنت بهزر
لان هو لو اخد الموقف ده بجد
هيكتب عليك
=فهمت
وبعدين
+لا وبعدين دى الحلقه الجايه
=هوايتك انك تعلقنى
+يا حبى ما ينفعش كله مرة واحده
=ماشى

السلام عليكم ورحمه الله وبركاته
+وعليكم السلام ورحمه الله وبركاته



تابعونا

الحلقة القادمة

هنتوب بجد

الرجوع الى أعلى الصفحة اذهب الى الأسفل
????
زائر



مُساهمةموضوع: رد: حمله هنتغير بجد   الثلاثاء أكتوبر 06, 2009 1:52 pm

تابع الحلقة ال 20

(عاوز اتوب بجد )
3

حلقتنا انهرده بعنوااان

((انا هديت السور...اعمل ايه بقى ؟؟ !! ))




+السلام عليكم ورحمه الله وبركاته
=وعليكم السلام ورحمه الله وبركاته

+ايه الاخبار ؟؟
=تمام و الحمد لله
هديت السور
و....
لا..عيب عليك
+.....

=ماتتعجبش
+على ايه ؟
+هو انت اللى هديت السور
=اه
+لا
=بس انا بقولك اه
+طب ماشى
هديته ازاى ؟
=تبت الى الله
+اهوه
انت اللى اعترفت
=انا مش فاهم حاجه
خالص
اعترفت بايه ؟
+اعترفت بأنك
مش
انت اللى هديت السور
=طب ماشى مين اللى هد السور
+هخليك انت اللى تجاوب على نفسك
=ماشى
+كل اللى انت عملته
انك تبت الى الله
=تمام
+وربنا اللى يبقبل التوبه
وبيغفر الذنب
=مظبوط
+واحنا متفقين
ان السور هو الذنوب
=صح
+يبقى ربك اللى غفر الذنوب
احم ..احم..
حبيبك اللى هد السور
مش انت بقى
=اه
فعلا حبيبى اللى غفر الذنب
+خلاص اتفقنا
=اتفقنا
+كنت عاوز اقولك على
كام حاجه خلى بالك منهم
=اتفضل
+اولا
احنا اتفقنا
ان حبيبك اللى خلق ابليس
وهو اللى قال عليه
(ان كيد الشيطان كان ضعيفا)
وقال
(ان الانسان خلق هلوعا )
وانت مش واقف لواحدك
لا انت ضدك
النفس الاماره بالسوء
والشيطان
والعين
(الحسد)
والهوى
(اللى هى الموضه
وان المنكر بقى معروف
والمعروف بقى منكر)
وانت واقف لواحدك
يعنى المنطق بيقول
ومن غير كلام
انك
مهزوم
مهزوم
مهزوم
ياولدى
لان
4على 1
حراااااام
بس المنطق برضه
بيقول انك ممكن تكسحهم
=وسعت منك شويه ...
+بالعكس دى ديقه جدا
لانك ممكن تهزمهم
بأقل مجهود
=طب ازاى ؟؟
+فقط هتستعين بالواحد
الله
فقط يغنيك عن كل حاجه
استعين به
=ونعم بالله
+خلى بالك
ان احنا معانا
نعمه والله العظيم لو قعدت اتكلم عنها لحد يوم القيامه
مش هقدر اتكلم
عن
ذرة منها
=....... ..
+عارف هيه ايه ؟
نعمه الاسلام
فعلا
=الحمد لله على
نعمه الاسلام
وكفى بها نعمه
+يبقى كده انا عاوز اقولك
بلاش غرور
لانك تبت
وانت واقف لواحدك
لازم يكون معاك ربنا
=طب وازاى يكون ربنا معايا ؟
+خلى بالك ربنا ما بيبعدش عن حد
ولكن احنا اللى بنبعد عنه
بذنوبنا
وعلشان كون ربنا معانا
لازم كل واحد يشحن رصيده
=ايه ....ازاى ؟؟
+ده عنوان السلسله اللى جايه
دى هتتكلم عن ايه ؟؟
هتعرف بعدين
=عيب هوايتك
انك تعلقنى
+***
ماتزعلش هقولك
=بجد
+طبعا بجد
بس الحلقه الجايه
=
+ربنا يهدينا ويهديك
=لا انا الاول
+ربنا يهديك ويهدينا
=آمييييييين
+طب نكمل
=ماشى اتفضل يا معلقنى
+كنت عاوز اقولك
على حاجه تانيه
وانت اكيد عارفها
وهى
اوعى تتغر
لان القلوب بين اصبعين
من اصابع الرحمن
=طب ممكن سؤال وده لجهلى
+اتفضل
=حبيبى سبحانه وتعالى
بيقلب القلوب على اى اساس

+اقولك
بس الاول
اوعى تكون نيتك بالسؤال
انك بتعاتب ربنا
=لاءه...حاشا لله
+ماشى اقولك
تتقلب القلوب
لو
العباده اصبحت عاده
=ازاى ؟
+يعنى انت بتصلى لانك اتعودت
تصلى
او بتصوم لانك اتعودت تصوم
لازم توصل لهدفها
الصيام مثلا
علشان تحس بأنك مش لواحدك عايش
لا فى ناس فقرا وغلبانين
عايشين معانا
لازم نحس بيهم
والصلاه لانك
رايح تقابل حبيبك
سبحانه وتعالى
وتشتكى له
من اى حاجه مضايقاك
وعلشان تحس براحه
ربانيه
وحاجات كتيير فيها
هنبقى نتكلم عنها
بعدين
=اه وايه تانى
+وانك تضرب مثل للاسلام
غلط
=ازاى
+انك مثلا تكون بتصلى
وبتعمل حاجه غلط
الناس هتقول بص اللى بيصلى
اصل كل اللى بيصلو كده
وده طبعا جهل منهم
بس عيب منك برضه
او تكون اختنا لابسه حجاب
واسمها مسلمه
وبتهزر مع الولاد
=طب
هو ده عيب
هو الهزار عيب
+لا مش عيب بس
لما يكون بين البنات
وبعضيهم
لكن لما يكون ولاد مع بنات طبعا عيب
وغلط
لان الاسلام لم يحرم الاختلاط
بشكل نهائى
يعنى
ماقالش
حرام الولاد يكلمو بنات
بس الاسلام وضع حدود
لكده
انها تكون فى نطاق
محدد ماينعفش تخرج عنه
مثلا فى نطاق الشغل
او الدرسه
او خدمه معينه
(وحط تحتها مليون خط)
ان مش اىحاجه تكون خدمه معينه
وغير كده
يبقى حرام
وهنبقى نخصص حلقه عن الاختلاط
وحاجات كتيير برضه بتقلب القلوب
ابرزها المعاصى
والكبائر
واهم حاجه بعد التوبه
لازم
تشحن رصيدك
=ازاى ...انت هتجننى
+ده هنعرفه الحلقه الجايه
فى سلسله
(اشحن رصيدك )
وكده تكون سلسه
(عاوز اتوب بجد )
انتهت
بحمد الله

----
=بس كنت عاوز اسأل سؤال
+اتفضل
=الحلقه الجايه نبقى نيجى بالموبيلات
+
لا هنتكلم من الارضى
من غير موبيلات
=ماشى
السلام عليكم ورحمه الله وبركاته
+وعليكم السلام ورحمه الله وبركاته


وبكده تكون سلسله
عاوز اتوب بجد
انتهت
بحمد الله
وفضله




ولكن الدور عليك انت





هل




انت عاوز تتوب بجد







طب
هل انت تبت بجد








طيب
ماتتوب







مستنى ايه ؟؟











الاعمار بيد الله









ماتعرفش النهايه امتى








بس تبقى عامل حسابك







وخليك متأكد






ان ربنا


هو




التواب







الرحمن







الرحيم






الغفور







الغفار






بس روحله وتيقن بالقبول






بس روح بجد










روح بقى









يابنى ماتروح





هو انا هتحايل عليك



يلا



ربنا يهدينا ويهديك

احم ....احم

ربنا يهديك ويهدينا





يلا استنونا فى السلسله الجايه


سلسله

(اشحن رصيدك)


ومن غير موبيلات



بس تعالى





انتظرونا













الرجوع الى أعلى الصفحة اذهب الى الأسفل
????
زائر



مُساهمةموضوع: رد: حمله هنتغير بجد   الأربعاء أكتوبر 07, 2009 2:02 pm

الحلقة ال 21

((اشحن رصيدك ))
1
(المقدمه )



+السلام عليكم ورحمه الله وبركاته
=وعليكم السلام ورحمه الله وبركاته
+ايه الاخبار ؟
=الحمد لله تمام
وادخل فى الموضوع على طول
لان انت هتجننى
من الاسم بتاع
اشحن رصيدك
ايه الخبلان ده
انا مش فاهم حاجه
خالص
انا هتجن......
+بس كفايه عاوز اتكلم
لوك لوك
كفايه عاوز اتكلم
من اولها هتصدعنى
=آسف جدا
بس انت مختار اسم ....
+تانى ياحبيبى الناس عاوزه تسمع
=تسمع ..تسمع
ايه بس
وازاى
+معلش تقرا
=ايوه كدا
+ممكن لو حضرتك تسمحلى ندخل فى الموضوع
=طبعا اتفضل
+عنوان سلسلتنا
(اشحن رصيدك)
=ايوه يعنى ايه
بقى
انا معاك يعنى ايه
+بقولك ايه
امشى
روح
مش هنكمل
فركش يا جماعه
=صاحبنا فى نفسه
(شكله اتنرفز منى ؛واضح انه متضايق منى)

(وطبعا المخرج والمنتج
و...و....و....د خلوا
هما مين الناس دول؟؟)
المخرج لصاحبنا على جنب :انت عارف
لو فتحت بقك همشيك خالص
الناس منتظرة بفارغ الصبر
=ماشى بس كنت عاوز
اعرف هو مين اللى نرفزة
المخرج :ايه..مين..انا اللى نرفزته
بس اسكت خالص
=طيب انت ليه تنرفزه يعنى ؟
والله هزعل منك كده
المخرج :اتفلق اقولك
انا اللى همشى
سلام يا جماعه
=سلام
+استنى استنى معلش
خليك والا انا كمان همشى
المخرج :بس ده مستفز اوى
+معلش يا بخت من قدر وعفى
المخرج :ماشى خلاص
+ل=اسكت خالص بجد علشان نبدأ
=ماشى انا آسف يا جماعه
+نبدأ يا جماعه
بص يا سيدى
عنوان سلسلتنا
(اشحن رصيدك)
سلسه
كلنا محتاجينها
علشان نشحن رصيدنا
من الحسنات
علشان يبقى بعدالتوبه
حسنات
ونضمن الجنه
=طب وهنشحن رصيدنا بأيه؟
+بحاجات كتيير
زى
الذكر والصلاه والصيام
وحاجات كتييير جدا
جدا
احنا عارفين معظمها
بس مش واخدين بالنا منها
وسهله بس احنا مصعبينها
على نفسنا اوى
وبسيطه جدا
بس الشيطان بقا
عاوزين نتكلم عنها
ومش هقولك نبسطها
لانها بسيطه جدا
=طب بس انا كنت بعملها
وبعد فتره ارجع زى ما كنت
+بص احنا
علشان نتغير بجد
لازم نغيرالعادات قبل العبادات
والمشاعر قبل الشعائر
=يعنى ايه ؟
+يعنى لازم نتغير من جوه الاول
وبعدين بره
اهم حاجه تكون الاول مقتنع بيها
داخليا
وبعدين نطبقها
وده اللى هنعمله بأذن الرحمن
=طب وهناخد ايه النهارده
+لا النهارده تمهيد بس
وهنبدأ من الحلقه الجايه
=ماشى
السلام عليكم ورحمه الله وبركاته
+وعليكم السلام ورحمه الله وبركاته
الرجوع الى أعلى الصفحة اذهب الى الأسفل
????
زائر



مُساهمةموضوع: رد: حمله هنتغير بجد   الخميس أكتوبر 08, 2009 1:11 pm

الحلقة ال 22

(اشحن رصيدك)
2
(اوعى تقفل بُئك)
_____
+السلام عليكم ورحمه الله وبركاته
------
=وعليكم السلام ورحمه الله وبركاته
------
+عامل ايه ؟
------
=تمام والحمد لله
بس انا مش عارف اقرا
العنوان
-----
+******
اوعى تقفل بُئك
----
=يااه شكرا على الاضافه
-----
+******ه
يعنى ماتسكتش
بُئك فى القاموس
يعنى فمك
اللى تحت الانف
-------
=اه الفتحه اللى فى اخر
الوش من تحت
.......
+بالظبط
ندخل فى حلقتنا
والا هنقديها فى حواس الانسان
.......
=ندخل
.......
+طبعا انت عارف ان فى حكمه
بتقول
ان ربنا خلق لنا فم واحد
واذنان لنسمع اكثر مما نتكلم
.......
=اه ..صح
.......
+لا النهارده عاوزين نلغى الحكمه دى
.......
=ليه ؟
........
+علشان نطبق حلقتنا
لان احنا محتاجين نتكلم كتير
بس مش اى كلام
لا
كلام يشحن رصيدنا
.........
=نتكلم نقول ايه ؟
.........
+نقول حاجات كتيير
ولما نتكلم كتيير
هنحجز حاجات جامده
علشان ناخدها بعدين
وتبقى بتاعتنا
يعنى هنتشترى بالكلام بس
..........
=شكلك سخن وتعبان....
.........
+انا بتكلم بجد
...........
=يعنى انت عاوز تفهمنى
ان
احنا هنشحن رصيدنا ونشترى
حاجات بالكلام بس
........
+ايون
.............
=صدقنى انت سخن
اطلب لك دكتور
............
+انا مش بهزر
ودى حقيقه
بس احنا مش واخدين بالنا منها
.......
=طب ماشى معاك للاخر
ازاى؟
.........
+هقولك بس تقول معايا
........
=بس يطلع كلامك بجد ومن غير هزار
الاول
.......
+يعنى انا ههزر معاك فى الدين
........
=لا بس ....
.......
+انت لسه هتبسبس
هقولك وقول معايا
.......
=ماشى
.......
+وحد الله الاول
......
=لا اله الا الله محمد رسول الله
.........
+بس كده خلاص
.....
=خلاص ايه !!
هو انت قلت حاجه
ماتجننيش
.......
+والله خلاص
......


=هو انت قلت حاجه
طب بص
قول تانى
وبالراحه
يمكن انا مش واخد بالى
.......
+ماشى وحد الله الاول برده
...........
=تانى
لا اله الا الله محمد رسول الله
........
+خلاص كده
.........
=انا ماشى
........
+يعنى فهمت الحلقه عاوزه تقول ايه ؟
...........
=انا مش فاهم حاجه خالص
..........
+ماشى بكل بساطه
حلقتنا النهارده
عن
الذكر
..........
=طب قول كده من الاول
..........
+انا قلت وانت مش عاوز تفهم
.........
=ما انت عارف ان انا بتعب من التفكير
..........
+اه صح انا نسيت
......
=طب يعنى الحلقه كلها
وحد الله
.......
+لا اله الا الله
محمد رسول الله
ده فى حاجات كتييير جدا
بس كنت عاوز اقولك
يلا نبدأ
شحن الرصيد
بحاجه بسيطه
فى العمل
بس رصيدك هيزيد جامد
وابسط حاجه ممكن نعملها
وناخد عليها اجر
..........
=طب وايه تانى من اللى ممكن نشحن بيه رصيدنا من الاذكار ؟
...........
+استغفر الله العظيم واتوب اليه
او سبحان الله وبحمده
3 مرات
ربنا يغفر لك ذنوبك كلها
مهما كانت
..........
=كل ذنوبى
..........
+كلها
شفت بقى
........
=وايه تانى
......
+سبحان الله
تقولها
100 مرة بس
وتشحن رصيدك ب1000حسنه
وربنا يرفع عنك 1000ذنب
........
=بس مش كتير شويه 100 مره
.........
+يعنى 100 مرة
كتييره على الجنه
كتيييره على نعم ربك عليك
كتيير على اللى كنت بتعمله
وبعدين وانت نازل فى مشوار
واحد ممكن تقولها كلها
وانت على السلم قول عشره
وانت طالع البيت قول كمان عشره
وانت فى السكه قول كمان30
ووانت واقف بتجيب حاجه
قول كمان 30
ووانت راجع فى السكه
قول 20
كده يبقى 100 وحده
خسران حاجه
الدال على الخير كفاعله
يعنى ممكن تقول لاختك
او الحاجه
انها وهى بتطبخ تقول
هتلاقى نفسها عدت ال150 واحده
من غير ما تحس
وبكده يبقى انت كأنك قلت بالظبط
.........
=وايه تانى
..........
+لا حول ولا قوه الا بالله
دى كنز من كنوز الجنه
..........
=......
..........
+ودلوقتى يلا نعمر بقى
ونبنى
..........
=بس انا مش فاضى دلوقتى
..........
+مش فاضى تتكلم
.........
=انت بتقول هنبنى
ونعمر
..........
+صح
هنبنى ونعمر بالكلام
بس
يعنى مش هنعمر بأيدينا
ولكن بالسنتنا
باللسان يعنى
...........
=ماشى ..يلا
انا جاى معاكم
............
+لا مش هنتحرك من مكاننا
..........
=ماشى
...........
+يلا
قول
سبحان الله
و
الحمد لله
و
لا اله الا الله
و
الله اكبر
..........
=سبحان الله
و
الحمد لله
و
لااله الا الله
و
الله اكبر
...........
+انت كده
بتغرس وتجمل
مكانك فى الجنه
........
=؟؟؟؟
يعنى الجنه وحشه
.........
+لا
بس تفرق
لما تكون قاعد
وحوليك
100
نخله
عن 10 بس
وكله بعملك
وده كلام
حبيبك
والحمد لله
بتملى الميزان يوم القيامه
و
أستغفر الله العظيم الذي لا إله إلا هو الحي القيوم و أتوب إليه
ربنا
يغفر له و إن كان فر من الحرب
و
بسم الله الذي لا يضر مع اسمه شيء في الأرض ولا في السماء وهو السميع العليم
ربنا يحميك
من اى ضرر ممكن يصيبك
وبرده
حسبي الله لا إله إلا هو عليه توكلت وهو رب العرش العظيم
سبع مرات في الصباح وسبع في المساء
الكافية من هم الدنيا والآخرة
ودى حلوه اوى
تحم نفسك من البارد
اللى كل شويه يرزل عليك
الشيطان ربنا يلعنه
بسم الله ، توكلت على الله ، ولا حول ولا قوة إلا بالله
مرة بعد كل خروج من البيت
قوة ثلاثية تحصينية من الشيطان وتجعل الشيطان يتنحى عنه


واذكار الصباح والمساء
واذكار النوم
واذكار ختام الصلاه
وحاجات كتييير جدا
مش هنقدر نعدها
بس يلا بينا نقولها
واحنا فى المشروع
واحنا فى التاكسى
واحنا فى القطار
واحنا ماشيين
واحنا واقفين بنجيب حاجه من عند البقال
وانت قاعد على الكمبيوتر
استنى استنى
.........
=ايه !!
............
+انت ساكت ليه
اوعى تقفل بُئك
اذكر
واشحن
+وانت قاعد بدل
الاغانى
شغل اذكار
..........

وانت فى اى حته
اوعى تسكت
واوعى ماتقولش لحد
علشان انت ممكن تكون نايم
وبتاخد حسنات
قول لكل الناس
واوعى تنسى ان احب الاشياء الى الله
اللسان الذاكر
.........
=ماشى
والله لهتشوف انا هعمل ايه
............
+لا
انا مالى
انت بتعمل كده علشان حبيبك
يرضى عنك
وقول زى ماقال احد الصحابه
يا رب لئن احييتنى لارينك ماذا اصنع
.........
=ماشى
بس على فكرة
فى اذكار تانيه كتير
........
+عارف بس الشطاره فى تفاعل الناس معانا
كل واحد يكتب احب الاذكار اللى بيحب يقولها
والاذكار اللى ما كتبنهاش
+والسلام عليكم ورحمه الله
............
=وعليكم السلام ورحمه الله وبركاته
الرجوع الى أعلى الصفحة اذهب الى الأسفل
????
زائر



مُساهمةموضوع: رد: حمله هنتغير بجد   الجمعة أكتوبر 09, 2009 2:09 pm

الحلقة ال 23

(يلا بينا نصلى )




+السلام عليكم ورحمه الله وبركاته



=وعليكم السلام ورحمه الله وبركاته

+موضوعنا النهارده مهم جدا
ويمكن هو الاهم فى حملتنا




=يعنى اللى فات مش مهم



+طبعا مهم ولكن لازم علشان نضمن
انه يتقبل
يبقى حلقه النهارده





=ليه هيا بتتكلم عن ايه ؟؟






+عن احلى حاجه
واحلى هديه
من رب البريه





=ايوه ياعم بتعرف تألف اشعار






+لا بأمانه دى حفظتها من الشيخ
محمد حسان





=ربنا يبارك له بس ديما مكشر






+لا ده كان زمان وكلامه اكتر من رائع كل شيخ وله طريقه
المهم حلقتنا النهارده عن





"الصلاه "




هديه ربنا اعطاها لكل خلقه
من البشر ولكن مين اللى عاوزها





=بص معلش موضوع زى ده
مهم جدا
ولكن احنا عاوزين نتكلم بصراحه
كل الحواجز اللى بيننا علشان اطلع كل اللى فى قلبى





+بص انا عاوزك تفك خالص
علشان ناخد اكبر خطوه فى طريق التغيير





=ماشى فى الاول كده
انا عندى كام مشكله


+ماشى ناخدهم واحده واحده ونحاول نحلهم







=ماشى اول واحده
وهى المصيبه
(الكسل )
كل لما اقول هصلى اكسل جامد اوى
والاقى حاجه تشغلنى وماتخلينيش اصلى





+بص مين يعرف عن نفسك اكتر انت ولا اللى خلقك




=طبعا اللى خلقنى حبيبى






+طيب ربنا عرض المشكله دى فى القران الكريم وقال
سبحانه
(واستعينو بالصبر والصلاه وانها لكبيره )وكبيره بمعنى تقيله
بتخليك تكسل
ونكمل (الا على الخاشعين )
يعنى الا الناس دول
تقيله على كل الناس
وخلى بالك ربنا ما قلش
الا على المصلين
لان فى ناس كتير بيصلوا
ومش بيخشعوا
وبالتالى ممكن
يتعرض لموقف يسيب الصلاه
بسببه ويكسل زى حضرتك





=طيب مين هما الخاشعين دول ؟






+ربنا قال(الذين يظنون انهم
ملاقو ربهم وانهم اليه راجعون)
يعنى حسبينها صح
عارفين ان حتى لو عصيته
او اطاعته برده راجعله
ورايحله يبقى من دلوقتى
احسن وعارفين انهم
رايحين لله
الكريم الغفور التواب
علشان يتكلمو معاه
ولسه هنتكلم ازاى نخشع ونحس بالصلاه ونعيشها بجد





=طيب وفى مشكله تانيه
هى مش الصلاه بتنضف القلب وبتخليه ابيض
طيب طالما القلب ابيض جاهز يبقى مش مشكله الصلاه







+بص ربنا حبيبنا قال
(ان الذين آمنو وعملو الصلحات )
ومافيش ولا ايه بتقول
انا الذين آمنوا بس
اذن ماينفعش ان انا اومن
بربنا من غير ما اعمل عمل
صالح





=طيب ما انا بعمل اعمال صالحه






+ومين قالك انها مقبوله ؟




=.....يعنى ايه ؟؟؟؟







+يعنى اول حاجه يوم القيامه وانت واقف ادام ربنا
هيسألك عن الصلاه
لو كنت بتصلى يبقى
كل اعمال الخير مقبوله
وكأن الصلاه واسطه
لبيقت الاعمال علشان تتقبل
ولو ماكنتش بتصلى يبقى
ربنا يعوض عليك فى الاعمال
بتاعتك كله هيبوظ
وما ينفعش واحد يكون
مليان ذنوب وتقول قلبه ابيض





=طيب ما هو كل ابن آده خطا






+جميل اوى وخير الخطائين التوابون
والصلاه بتنضفك اول باول
يعنى لو افترضنا ان الذنوب
زى التراب علشان تنضف
تعمل ايه ؟




=اخد دش





+كام مره فى الاسبوع



=يعنى مرة او 2 او 3بالكتير





+طيب لو اخدت خمسه وتلاتين دش فى الاسبوع




=ايه ليه حمله دش كل يوم






+لا كل يوم 5 مرات بس
بس هتنضف خالص من التراب قصدى الذنوب
والذنوب بتجمد القلب





=وكمان مشكله هو مش من اهداف الصلاه
انها تصلحنى







+ايون




=طيب انما الاعمال بالنيات






+طيب انت جعان




=.......!!!!




+جاوب



=بصراحه اه



+طيب انت عاوز تاكل



=ايون



+طيب شبعت ولا لسه ؟



=هو انا اكلت اساسا



+انما الاكل بالنيات
طالما انت نيتك انك تاكل خلاص
يبقى لازم تشبع




=مش فاهم



+بص انما الاعمال بالنيات
يعنى فى عمل وفى نيه




=اه



+يعنى ما ينفعش ما تكولش وتقول انا شبعت
=اه فهمت
يعنى الاول لازم اصلى وبعدين اقول انما الاعمال بالنيات
وعلى اساسها هيقبل العمل او هيرفض




+بالظبط
وايه تانى من المشاكل




=بالنسبه لى خلاص بس فى واحد صاحبى
كل لما حد يقوله على الصلاه يقوله العمل عباده




+بص اولا ده مش حديث ولا حاجه دى مجرد حكمه
ولو افترضنا ان العمل عباده فالصلاه فريضه واحسبها انت




=معلش افتكرت حاجه
فى واحد اعرفه بيصلى وربنا بيكرهه اوى ديما الراجل ده
عند مصايب
اما ابنه مكسور او عربيته ادغدغة ديما فى مصايب




+ده كده ربنا بيحبه اوى لانه عاوز يكفر عنه ذنوبه
وعلشان الراجل ده يقول يارب
ولسه قايلين واستعينو بالصبر والصلاه




=صح كده اظن ما فيش مشاكل غير اخر واحده
معلش
ساعات بتكون الجو برد وبكسل اتوضى علشان الميه
بتبقى ساقعه




+تستحمل مين
بروده ميه الدنيا
ولا
حراره جهنم فى الاخره





=.....






+والاسلام دين يسر
انت ممكن تدفى الميه وتتوضى
واتصرف وبطل كسل قلنا
طب اقولك على حاجه
عارف لو انت صليت اى صلاه فى جماعه
مره واحده يتكتب لك
وكأنك صليت 280مره




=ايه ....كام ...ازاى ؟


+بص حبيبك النبى قال صلاه الجماعه افضل من صلاه الفد
ب(27)درجه يعنى هنقول اقل حاجه 28 لانها افضل من
واول ما الصلاه فرضت فرضت 50 صلاه يوميا ولما الرسول كلم
ربنا علشان يخففها عننا بقت 5 صلوات يوميا وربنا قال ساعتها
(يا محمد خمسه فى العمل وخمسون فى الاجر مايبدل القول لدى )
يعنى الصلاه الواحده بتساوى 10صلوات فى الاجر
والصلاه فى جماعه قلنا ب 28 اضربهم فى بعض
28×10=280
واليوم الواحد لو صليت الخمس فروض
يبقى 1400صلاه
والحساب يوم الحساب



=...ياااااااااااااه فعلا صح


+انت عارف الحديث بتاع بناء الاسلام


=اللى هو بنى الاسلام على خمس



+بالظبط قولو كده



=الشهاده واقام الصلاه و...



+بس مش ملاحظ حاجه
انك ممكن تشيل اقام الصلاه
وتحط اداء الصلاه



=مش هتفرق كتيير بس ده حيث ماينفعش اغير فيه



+عارف بس افهم ليه اقام الصلاه
وربنا قال(اقم الصلاه ....)و(واقام الصلاه ...)الايات



=طيب ليه ؟؟





+لان الاقامه غير الاداء
لان الاداء انت بتأدى حاجه وبتنزلها من عليك
زى لاعب ادى كويس فى الماتش
يعنى لعب كويس بس الماتش خلص خلاص
اما اقامه الصلاه من يقيم الصلاه
زى بالظبط لما اقولك انا هقيم عمارة هنا
يعنى سواء سكنت فيها
او حتى بنتها وسبتها هى موجوده
يعنى لو اقمت الصلاه فى قلبك يعنى
سواء وقت الصلاه او مش فى وقت الصلاه هى مأثره فيك
بانها بتخليك تبطل معاصى وبالتدريج ومن غير ماتحس



=هو مش الرسول صلى الله عليه وسلم قال
من لم تنهه صلاته عن الفحشاء والمنكر فلا صلاه له
طيب وانا قبل كده قعدت فتره صلى وماعملتش حاجه



+ينفع واحد انت لسه مصاحبه من كام يوم
تقوله على اسرارك وتاخد عليه
وتغير فيه ويغير فيك زى واحد انت مصاحبه من سنه



=لا طبعا



+خلاص يبقى الصلاه لازم تاخد الاول عليها علشان تغيرفيك
وثانيا الحديث ده ضعيف
ثالثا ربنا قال (ان الصلاه تنهى عن الفحشاء والمنكر )يعنى مش
انت اللى هتنهى نفسك
واحنا قلنا قبل كده 4 على واحد حراااااام
والاربعه (النفس الاماره بالسوء)(والشيطان)(والهوى يعنى المزاج)
و(الحسد) عليك لوحدك والحل انك تستعين بربك وحده
هو اللى هيعينك يبقى انت لازم تقربله بالطاعه والطاعه مش مضمونه الا
بالصلاه
والصلاه بنهى عن الفحشاء والمنكر يبقى انت هتقرب من غير ماتحس وهتبطل كتيييير اوى من ذنوبك من غير ماتحس لانك كل اللى هتعمله انك هتصلى بس



=طب ازاى الصلاه هتغير فيا من غير ما احس ؟؟



+هات بلونه و كور بينج بونج وبارفان (ريحه,عطر)ورش على الكور
من البارفان ده وحط الكور فى البلونه



=ايه التشبيهات الغوريبه دى؟


+ركز وانت ساكت حطيت الكور



=انا هتخيل ...ماشى حطيتها بس الكور بتدخل بصعوبه



+ عارف دخلها بالعافيه


=دخلهم كلهم



+لو قلت لك ايه رأيك في الكور هتقول ايه ؟؟



=ريحتهم حلوه



+دى وجهه نظرك
ولكن الريحه دى مؤقته ومش اصليه (مصنعه يعنى)
والكور واخد مكان كبر وحجم اكبر
ولو ضغط على البلونه من بره هتلاقيها ناشفه



=مظبوط وانت صح بس ايه الحل ؟



+الحل انك تخلى الكور وتحط من فوق ورد
طبعا هتقعد تحط لحد لما الانبوله تتملى على الاخر
لان لسه الكور تحت
طبعا فى فرق شاسع بين الكور والورد
يعنى الورد ريحته احلى ودائمه واصليه
ومش واخد مكان خالص وحجمه صغنن جدا
ولو ضغطت على البلونه هتلاقى انها طريه جدا
طبعا انت هتبتدى تشيل الكور كوره كوره لانك سرحان فى ريحه الورد
وكل لما تشيل كوره الورد يملا مكانهم وانت مش حاسس بأى فراغ
لكن لو مفيش ورد وانت ماتعرفش مميزات الورد هتيجى تشيل الكور
يجى واحد ماسك البلونه يقول سيبها ماهى ريحتها حلوه
والتانى عامل نفسه فيلسوف ويقول بالعقل هتشيلها ليه مش مخسراك حاجه
دى ريحتها حلوه
والتالت يقولك كل الناس سايبه الكور هتشيها انت
والرابع لو انت قاومت وشيلتها يقول ياااه قدرت تشيلها لوحك ويحسدك وترجع اسوء مما كنت



=انا مش فاهم حاجه خالص



+عارف بص
البلونه (القلب )طريه فى الاصل
الكور (الذنوب )كبيره وواخده مكان فى القلب ومنشفاه قوى
البارفان (لذه الذنوب )مؤقته مجرد ما تخلص تنتهى الريحه (اللذه)
والورد (الصلاه) ريحتها اصليه ودائمه دنيا واخرة ومش بتاخد مكان
وبتخلى القلب بطبيعته طرى
والناس اللى بتتكلم
الاول (النفس الاماره بالسؤ)
التانى (الشيطان)
التالت (الهوى و المزاج )
الرابع (الحسد )



=اه فهمت يعنى الصلاه هتشيل واحده واحده وكل لما تشيل حاجه
تملا مكانه بالورد



+ايون بالظبط كده



= اى خدمه



+انت عارف الصلاه فيها ميزه غريبه اوى
انها بتلم معظم العبادات فيها
علشان كده اسمها ام العبادات



=يعنى ايه ؟و يعنى ايه ام العبادات ؟


+اول ما بتبدأ الصلاه بتقول الله اكبر (ده ذكر)
وبتقرا قران ,وبتدعى , وبتمتنع عن الاكل (شبه الصوم )
ولازم تحافظ على وقتها (فريضه الوقت )
وكمان بنتجه للقبله بتذكرنا بفريضه الحج
وحاجات كتييير


=اه صح



+وافتكرت مشكله تانيه
ان تارك الصلاه كافر



=بس فى ناس بيقولو مش خارج من المله وناس بيقولو خارج



+خارج ولا مش خارج انت ايه اللى يخليك تاخد اللقب ده اساسا



=صح



+عارف الحب من طرفين



=احنا بنتكلم فى الصلاه ...



+هو مش احنا قلنا هندردش مع بعض



=ماشى بس فى الصلاه



+احنا فى الصلاه



=ماشى عارفه



+عارف الحب من طرف واحد



=عارفه بس خنيق اوى تقعد تحب واحد
ويفضل حلقلك ومطنشك وفى الاخر تزهق
والحب من طرفين زى العسل



+طب الصلاه حب من طرفين


=ازاى ؟؟


+ربنا قال قسمت الصلاه بينى وبين عبدى
ولعبدى ما سأل



=طب ازاى ؟؟


+لما بتدخل فى الصلاه وتقول الحمد لله رب العالمين
ربنا يرد عليك ويقول حمدنى عبدى
وكده
واقرب ما يكون العبد من ربه وهو ساجد
يدعى براحته



=بص انت بصراحه اقنعتنى بالصلاه
ولكن انا عاوز اخشع ...ازاى ؟؟



+سهله اوى احنا اتكلمنا عن عن الايه واستعينو بالصبر والصلاه )



=اه



+وهقولك كمان حاجه
انت عارف انت هتصلى لمين ؟


=لربنا



+يبقى لازم تحط فى دماغك مين ربنا
الكريم الغفور التواب الرحيم
ثانيا لازم تركز اوى فى الصلاه وصلى كأنها اخر صلاه فى حياتك
ثالثا حط فى دماغك الصلاه اما تدعي لك او تدعى عليك
رابعا وى اللى هتسبتك
انا لما بتدخل الصلاه ربنا بيقبل عليك بوجهه
ما احنا قلنا (حب من طرفين )
ولكن اول ما تلتفت اوتسرح او تنشغل بحاجه تانيه ربنا يقولك (لخير منى ؟؟؟)
(يعنى اللى انشغلت بيه ده احسن من ربنا)
اظن مفيش اجابه فلازم تركز اوى وتخشع وتعيش
وعاوزك تعيش اوى فى الصلاه
عيش استمتع بأيات ربنا
واستمتع بالايات يعنى
الحمد لله رب العالمين )عصيته ومهلك ومن عليك بالصلاه وانت لسه بصحتك
وانعم عليك ورزقك رغم معصيتك ليه
(الرحمن الرحيم)فعلا رحمته وسعت كل شئ
(مالك يوم الدين )ايوه على العظمه اكتر يوم بنخاف منه بأيده ينجيك ويطمنك
او يبهدلك
(اياك نعبد واياك نستعين )يارب بعبدك عصيتك بس بحبك ورجعتلك وهستعين بك يارب ومش هروح لغيرك لانك حبيبى
(اهدنا الصراط المستقيم )يارب اهدنا للطريق الصح اهدنا للاسلام وللجنه
(صراط الذين انعمت عليهم )الطريق اللى انت انعمت عليه للناس الكويسه والصالحه
(غير المغضوب عليهم )اللى هما النصارى
(ولا الضالين)اللى هما اليهود
واقرا بالراحه لعلك تموت وانت بتصلى يبقى يا بختك والله
وتقرا اى سوره او ايه تعجبك ودوقها
وبعدين اركع وقول سبحان ربى العظيم 3مرات واستشعر يعنى ايه توطى
وتحنى جسمك لله
وبعدبن قوم اقف واركز فى مكانك يعنى اقف عدل وقول سمع الله لمن حمده
ربنا ولك الحمد (احمده من قلبك )
وبعدين اسجد بشرط ان يكون فى 6 اعضاء على الارض الايدين والقدمين
والجبهه والانف وماتفردش كوعك وتخليه يلمس الارض علشان كده غلط
وقول سبحان ربى الاعلى خلاص يبقى فى الركوع سبحان ربى العظيم ووانت على الارض سبحان ربى الاعلى وادعى براحتك وباللغه اللى تعجبك وقوم اقعد واسجد كمان مره وقول سبحان ربى الاعلى 3 مرات وادعى براحتك وقوم كل ركعه على كده بس بعد كل ركعتين اقعد واقرا التشهد وافهمه انا عارف انك حافظه ولكن افهمه اولا ده كان حوار بين حبيبك النبى وربنا سبحانه وتعالى
لما النبى دخل الجنه فى الاسراء والمعراج فالنبى قعد ادام ربنا القعده اللى بنقعدها فى التشهد وقال لله (التحيات لله والصلوات والطيبات )
فربنا حبيبنا قال لنبينا محمد (السلام عليك ايها النبى ورحمه الله وبركاته )
فالنبى رد وقال (السلام علينا وعلى عباد الله الصالحين )بص حبيبك والله لو انت مكانه ماكنت هتفكر غير فى نفسك النبى حتى وهو قاعد ادام ربنا حبيبنا
بيدعيلنا وبيلقى علينا السلام والله بجد بنحبه
فحمله العرش قالوا( اشهد ان لا اله الا الله وان محمد عبده ورسوله )
وبعد كده هتصلى على النبى الصلاه الابراهيميه
وهى (اللهم صلى على محمد وعلى ال محمد كما صليت على ابراهيم وعلى ال ابراهيم وبارك على محمد وعلى ال محمد كما باركت على ابراهيم وعلى ال ابراهيم فى العالمين انك حميد مجيد )وممكن تبسطها وتقول فى الصلاه الابراهيميه
(اللهم صلى وبارك على محمد وعلى ال محمد كما اصليت وباركت على ابراهيم وعلى ال ابراهيم فى العالمين انك حمد مجيد )


=طب مش المفروض اقول سيدنا محمد



+حبيبك النبى قال لا تسيدونى فى الصلاه يعنى ماتقولش سيدنا محمد فى الصلاه لكن قولها بره الصلاه عادى



=طب معلش انا مكسوف اوى من الطلب ده ياريت توضح للناس عدد الركعات
والسنن المفروضه



+بص كل الصلوات المفروصه هتصليها 4 ركعات الاالصلاه اللى قبل شروق الشمس بتبقى ركعتين ودى من رحمه ربنا علينا لان الناس بتبقى صاحيه من النوم وعاوزه تنام ولكنها فضلت ربنا عن النوم
والصلاه اللى لما الشمس تغرب بتبقى 3 ركعات
والباقى اللى هما الظهر والعصر والعشاء 4 كعات
والسنن بقى 2قبل الفجر ودول خير من الدنيا وما فيها يعنى تصليهم كأنك
كسبت الدنيا باللى فيها لا اسف ده احسن من الدنيا باللى فيها



=طب اشمعنى دول



+لانك بتبقى لسه صاحى من النوم وسايب النو علشان تقابل حبيبك
فلازم ربنا يغلى ثمنهم وده كرم منه
وقبل الظهر 4 ركعات وبعدها ركعتين بس وخلى بالك ممكن تصلى قبل الظهر 4 وبعده 4 وتاخد شهاده ضمان بأنك محرم على النار ومش هتدخلها يلا خد
الشهاده انت ضامن عمرك ؟؟؟
والعصر راحه من السنن
والمغرب ركعتين بس والعشاء برده ركعتين بس
واحلى حاجه انها مفيهاش اى تعب ولا بهدله لانك لو صليت ال12 ركعه فى يوم واحد ربنا يبنى لك بيت فى الجنه



=بيت فى الجنه ب 12 ركعه بس ...يابلاش



+وانا كمان عندى فكره ايه رأيك نعمل مدينه سكنيه ليا انا بس كل كام يوم ابنى بيت وب 12 ركعه بس والله اوكازيون ربانى



=اخر سؤال معلش


+اتفضل
=طب بالنسبه للصلوات اللى انا ماصليتهاش قبل كده
هصليها امتى ؟؟



+انت نسيت انت بتصلى لمين ؟



=لربنا طبعا



+طب وربنا من صفاته التواب والغفور والكريم
يعنى مجرد ما انت تروح له وتتوب له يسامحك فى اللى فات



=يعنى ما اصليش اللى عليا



+تانى انت رايح تصلى للكريم التواب



=ياااااااااااااااااااااااااااه على الكرم والعظمه بجد عيب اوى عليا ان الفتره دى كلها
مبصليش واشكره على نعمه
يارب يا حبيبى لئن احييتنى لارينك ماذا سأصنع
يارب لو اديتنى العمر هتشوف انا هعمل ايه وهشكرك ازاى



+ايوه كده هى دى الرجوله انك تضرب مليون عصفور بحجر واحد
رضا ربنا
وشفاعه حبيبك النبى
وكوبايه ميه من النبى يوم القيامه
واستجابه دعائك
والناس تحبك
والملايكه تحبك
وتبطل ذوبك ومعاصيك من غير ما تحس
كل ده ب 17 ركعه فى اليوم يا بلاش

(حان الان موعد الاذان )

=طب يلا السلام عليكم ورحمه الله وبركاته علشان الصلاه



+وعليكم السلام ورحمه الله وبركاته وابقى ادعيلنا
الرجوع الى أعلى الصفحة اذهب الى الأسفل
????
زائر



مُساهمةموضوع: رد: حمله هنتغير بجد   الأحد أكتوبر 11, 2009 11:30 am

الحلقة ال 24
" الموســـم الثالث "


(( التغيير طريقنــــا الى الجنه ))

+ السلام عليكم ورحمه الله وبركاته

=وعليكم السلام ورحمه الله وبركاته

+ازيك يا باشا ؟

= الحمد لله بخير
ايه اخبار الموسم الثالث ؟


+هيبقى جامد باذن الله
بس عاوزين نشتغل كلنا مع بعض

=انا معاك وهنشتغل مع بعض

+ ماشى مستنينك ...
نبدأ فى الموسم الثالث
ان شاء الله
فى الموسم ده هبدأ من الصفر

=تانى من الصفر

+اه تانى بس المره دى التغيير اللى عاوزينه مش تغيير دينى بس
لاء عاوزين تغيير شامل لكل
حياتنا يعنى نغير العادات قبل العبادات
ونغير المشاعر قبل الشعائر
علشان نطلع بعدها
شباب صح وينات صح
نعيش دنيتا بجد ونعيشها صح
ونضمن مكاننا فى الجنه برحمه ربنا طبعا برحمه ربنا
ولكن يبقى عملنا حاجه فى دنيتنا
وقدرنا بعون الله اننا نساعد بعض على التغيير


=صح

+والتغيير اللى عاوزينه
طبيعى جدا يعنى
هنمشى مع طبيعه النفس البشريه
يعنى مش ينفع
ان واحد بيشرب فى اليوم عشر سجاير
نقوله انت لازم تبطل
مرة واحده
طبعا ماينفعش
لازم واحده واحده يعنى امبارح
بتشرب عشره النهارده وبكره تشرب 8
ونقلل بالتدريج
علشان لما نبطل السجاير مثلا ما نرجعش تانى



=طيب فى ناس مينفعش تتغير
او صعب عليها التغيير



+بص القصه دى
واحد عمل كل انواع الذنوب
واحد عمل كل حاجه حرام
واحد زعل ربنا منه بكل الطرق
طيب كل اللى فاتوا دول فى شخص واحد
يتغير ويبقى متدين
بل ويبقى داعيه



=انت بتحلم ...ازاى ؟؟



+انا بتكلم بجد لان هو داعيه موجود دلوقتى وهو اللى قال على نفسه كده
انه كان بيشرب سجاير وعمل كل حاجه
غلط
واتفرج عليه من افضل الدعاه
دلوقتى


=يعنى فى امل؟

+طبعا
ربنا موجود بس
هل انت موجود؟
ربنا بيقبل اى حد
بس هل انت هتروح له؟


=انا عاوز اروح له
بس ...

+مفيش بس
انت هتروح ولا ...


=انا والله عاوز اتغير
بس بصراحه عاوز اعيش حياتى
انا شاب برضه وعاوز اعيش
حياتى انا ...

+انت فاهم الدين
غلط خالص
مين اللى قال لك
ان الدين هيخنقك


=مين اللى قاللى !!
اتفرج على الافلام
تلاقى المتدين تصرفاته غلط
يتعارك مع اى واحد بيعصى
ويفتكر نفسه هو اعلى واحد
ومكشر
ومتخن صوته
ومش مهتم بنفسه


+ بص يا جميل انا هقول لك
من الآخر
هجيب لك مثالين
الاول
اللى انت بتقوله
المتدين المكشر
اللى بيزعق
اللى مش مهتم بنفسه
الكئيب

التانى
لما يشوف ديما مبتسم
وبيحط برفان
وشيك جدا
فى طريق لبسه
وفى طريقه كلامه
ومحترم
وديما بيضحك
يبتعامل مع كل الناس
الطائع والعاصى والزانى والمدمن
والبنت "بس بحدود "


=طبعا التانى من غير تفكير
لان التانى شخصيه بحبها
وكل الناس بتحبها


+طيب واذا كان التانى
هو المسلم الصح

= معلش ..ازاى هو الصح؟


+بص هثبت لك
من كلام النبى
النبى قال
ان الله جميل يحب الجمال
يعنى علشان تبقى صح
لازم وغصب عنك تبقى شيك
وجميل
وربنا قال ما يلفظ من قول الا
لديه رقيب عتيد
يعنى غصب عنك لازم تكون لبق فى طريقه كلامك
وتختار الفاظك
والنبى قال ان كان لدى احدكم شعر فليكرمه
يعنى سرح شعرك وبشياكه
بس ميكنش فيها تقليد لواحد
مش مسلم بس طالما
التسريحه شيك ومافيهاش حاجه خلاص
والنبى من افضل 3 حاجات له فى الدنيا واحده منهم
العطر يعنى البارفان دلوقتى
والنبى قال من تواضع لله رفعه
والناس سواسيه
يعنى متساوين كلهم زى بعض
يعنى لازم تتواضع
ايه رأيك ؟؟
شفت ان كل اللى انت عاوزه
مش هتعمله جدعنه منك لا
ده المفروض انك تعمله
لان النبى امر بيه
ولانه شئ مستحب


=......


+طبعا مش قادر تنطق
لانك كنت فاهم الدين غلط

=فعلا
بس عاوزين نتكلم
عن ازاى نتغير وايه الدافع للتغيير اللى
عاوزين نعمله
وهكسب ايه من ورا التغيير

+كل ده هنعرفه
فى الحلقه الجايه
وفى اقرب وقت هنتقابل
ونتكلم عن الحاجات دى


=ماشى بس مش عاوزين تأخير


+يلا
السلام عليكم ورحمه الله وبركاته

=وعليكم السلام ورحمه الله

تم تصغير هذه الصورة. إضغط هنا لمشاهدة الصورة كاملة. الصورة الأصلية بأبعاد 790 * 312 و حجم 42KB.




انتظرونا فى الحلقة القادمة

بعنوان

انت مين؟؟!!



الرجوع الى أعلى الصفحة اذهب الى الأسفل
????
زائر



مُساهمةموضوع: رد: حمله هنتغير بجد   السبت أكتوبر 17, 2009 5:13 pm

تسلم ايدك يا ان هابى . جزاكى الله كل خير
الرجوع الى أعلى الصفحة اذهب الى الأسفل
????
زائر



مُساهمةموضوع: رد: حمله هنتغير بجد   الأحد أكتوبر 18, 2009 10:12 pm

وجزاك مثله

ميرسى على ردك ياامير
الرجوع الى أعلى الصفحة اذهب الى الأسفل
????
زائر



مُساهمةموضوع: رد: حمله هنتغير بجد   الخميس نوفمبر 12, 2009 8:41 am

موضووووووووووع راااااااااااااااااااااااائع
الرجوع الى أعلى الصفحة اذهب الى الأسفل
????
زائر



مُساهمةموضوع: رد: حمله هنتغير بجد   الخميس نوفمبر 12, 2009 9:33 am

ربنا يخليك

ميرسى ع مرورك
منور التوبيك
الرجوع الى أعلى الصفحة اذهب الى الأسفل
????
زائر



مُساهمةموضوع: رد: حمله هنتغير بجد   الجمعة نوفمبر 13, 2009 3:44 am

موضوع جميل وتسلم ايدك
الرجوع الى أعلى الصفحة اذهب الى الأسفل
 
حمله هنتغير بجد
استعرض الموضوع السابق استعرض الموضوع التالي الرجوع الى أعلى الصفحة 
صفحة 2 من اصل 3انتقل الى الصفحة : الصفحة السابقة  1, 2, 3  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
منتدى كلية التجارة جامعة المنصورة :: °؛¤ّ,¸¸,ّ¤؛°`°؛¤ّ,¸ القسم العام °؛¤ّ,¸¸,ّ¤؛°`°؛¤ّ,¸ :: منتدى الحوار العام-
انتقل الى: